Mon. Apr 15th, 2024

వైట్‌హాట్ జూనియర్ ప్లాట్‌ఫామ్‌లో రూపొందించబడిన టిఫిన్ బాక్స్ ప్లానర్ పిల్లలను ఆరోగ్యకరమైన, సమతుల్య భోజనం తినమని ప్రోత్సహించడం లక్ష్యంగా పెట్టుకుంది

 365తెలుగు డాట్ కామ్,ఆన్ లైన్ న్యూస్,జనవరి 8,హైదరాబాద్: పిల్ల‌లు ఉన్న తల్లిదండ్రులు తమ పిల్లలకు రోజూ అవసరమైన పోషకాహారం అందేలా చూడటానికి తమ వంతు కృషి చేస్తారు. ముఖ్యంగా పాఠశాల సమయంలో ఆరోగ్యకరమైన టిఫిన్ ఇవ్వడం చాలా కష్టమైన పని. ఎందుకంటే పిల్లలు తక్కువ లేదా పోషక విలువలు లేని జంక్ ఫుడ్ తినడానికి ఎక్కువ ఇష్టపడతారు. ఈ పరిస్థితిని పరిష్కరించడానికి  పిల్లలలో ఆరోగ్యకరమైన ఆహారపు అలవాట్ల కోసం హైదరాబాద్‌కు చెందిన ఏడేళ్ల‌ సిద్ధాంత్ నాయర్ న్యూట్రిషన్ యాప్‌ను రూపొందించారు. ఇది పిల్లలు తమ టిఫిన్ పెట్టెలో పొందుతున్న పోషకాహారాన్ని రికార్డ్ చేయడానికి మరియు లెక్కించడానికి సహాయపడుతుంది.

       నేటి ప్రపంచంలో విటమిన్, పోషకాల లోపం దేశవ్యాప్తంగా ఉన్న పిల్లలను ప్రభావితం చేస్తోంది. తల్లిదండ్రులు ఆరోగ్యకరమైన భోజనం అందించడం చాలా ముఖ్యం. ఇది వారి పిల్లలను వ్యాధుల నుంచి ర‌క్షిస్తోంది. సిద్ధాంత్ పాఠశాల (అంబిటస్ వరల్డ్ స్కూల్) పిల్లల కోసం ఆరోగ్యకరమైన టిఫిన్ పాలనను అనుసరిస్తుంది. ఐదారు నెలలుగా వైట్‌హాట్ జూనియర్ ప్లాట్‌ఫామ్‌లో ఉన్నందున, అతను తన అభ్యాసాన్ని ఇతర తల్లిదండ్రులకు సందేశాన్ని వ్యాప్తి చేయడానికి, ఇతర పిల్లలను ఆరోగ్యంగా ఉంచ‌డానికి ఒక యాప్‌ను ఉపయోగించాలనుకున్నాడు.

      ఈ సంద‌ర్భంగా వైట్ హాట్ జూనియర్ వ్యవస్థాపకుడు, సీఈవో  కరణ్ బజాజ్ మాట్లాడుతూ  పిల్లలు ఇప్పుడు ఏది సరైనది, ఏది తప్పు అనే విష‌యాన్ని తెలుసుకునే స్థాయిలో ఉన్నారని తెలిపారు. వారు సమాజంలోని సమస్యలను పరిష్కరించడానికి సొంత‌ మార్గంలో సహకరించాలని కోరుకుంటార‌న్నారు. ఆరేళ్ల వయస్సులో ఉన్న పిల్లలు భవిష్యత్తు కోసం కోడింగ్ నేర్చుకోవడం ప్రారంభించవచ్చని పేర్కొన్నారు. సిద్ధాంత్ లాగా చాలా మంది చిన్నపిల్లలు చాలా సృజనాత్మకంగా ఆలోచించ‌డం, అధిక యుటిలిటీ డిజిటల్ అనువర్తనాలను సృష్టించడం మనం చూస్తూ ఉన్నామ‌న్నారు. ఇది ప్రపంచంపై దీర్ఘకాలిక ప్రభావాన్ని చూపుతుందన్నారు.  

       మరొక ఉదాహరణ ఏమ‌న‌గా.. బెంగుళూరుకు చెందిన తొమ్మిదేళ్ల సీన్ పాల్ సోలానో ట్రాష్ సార్టర్ యాప్‌ను రూపొందించారని తెలిపారు. బయోడిగ్రేడబుల్ వ్యర్థాలను వేరు చేయడం ద్వారా క‌లిగే ప్ర‌యోజ‌నాలపై ప్రజలకు అవగాహన కల్పించడానికి, వ్యర్థాలను తగ్గించడం, రీసైక్లింగ్ చేయడం  పునర్వినియోగం చేయడంపై అవగాహన కల్పించడానికి సహాయపడుతుంద‌న్నారు. చెన్నైకి చెందిన పదేళ్ల సజన్, ఆట స్థలాలు లేకపోవడం వల్ల, పిల్లల జీవనశైలి కొన్నేళ్లుగా నిశ్చలంగా మారిందని గమనించార‌న్నారు. దీంతో ఇంటి లోపల ఎక్కువ సమయం గడప‌డం.. ఇది చిన్న వయస్సులోనే వివిధ ఆరోగ్య సమస్యలకు దారితీయ‌డం చూశార‌న్నారు. ఈ సవాలును ఎదుర్కోవటానికి హెల్త్ చెక్ అనువర్తనాన్ని రూపొందించార‌న్నారు.  ఇది పిల్లలు వారి రోజువారీ కార్యకలాపాలను ట్రాక్ చేయడానికి.. శారీరక వ్యాయామంలో పాల్గొనడానికి.. మొబైల్ వాడకాన్ని పరిమితం చేయడానికి.. సమతుల్య భోజనం తినడానికి వారిని ప్రోత్సహించడానికి సహాయపడుతుంద‌న్నారు.

        పిల్లలందరూ ఆరు నుంచి 14 సంవత్సరాల మధ్య వయస్సు గల పిల్లలకు కోడింగ్ నేర్పించే ఎడ్టెక్ స్టార్టప్ అయిన వైట్ హాట్ జూనియర్ పై కోడ్ నేర్చుకుంటున్నారని తెలిపారు. ఏఐ, రోబోటిక్స్, మెషిన్ లెర్నింగ్, స్పేస్ టెక్ వంటి సాంకేతిక పరిజ్ఞానాలపై అత్యాధునిక పాఠ్యాంశాలను బోధించడం, పిల్లల సహజ సృజనాత్మకతను ఉపయోగించుకోవడం చిన్న వయస్సులోనే సృష్టికర్తలగా మార్చడం ఒక‌ట‌న్నారు. తన ఆన్‌లైన్ ప్లాట్‌ఫామ్ కోసం గొప్ప విజయాన్ని సాధించిన తరువాత సంస్థ తన ఏఐ  రోబోటిక్స్ కోడింగ్ పాఠ్యాంశాలను దేశవ్యాప్తంగా పాఠశాలలకు తీసుకురావడానికి కృషి చేస్తోందన్నారు.

      ఈ ప్లాట్‌ఫామ్‌లోని ఒక శాతం మంది పిల్లలు వారి తల్లిదండ్రులలో ఒకరితో కలిసి అమెరికాలోని సిలికాన్ వ్యాలీలో అగ్రశ్రేణి పారిశ్రామికవేత్తలు, వెంచర్ క్యాపిటలిస్టులచే సలహాలు  పొంద‌డానికి అన్ని ఖర్చులతో కూడిన యాత్రను పొందే అవకాశం ఉంటుంద‌న్నారు. త్వరలో 15 అండర్ 15 ఫెలోషిప్‌ను కూడా ప్రారంభిస్తున్నారని తెలిపారు. ఈ ప్లాట్‌ఫామ్‌లోని మొదటి 15 మంది పిల్లలు తమ సొంత స్టార్టప్‌లను ఇంక్యుబేట్ చేయడానికి వారికి $ 15000 ఫెలోషిప్‌ను అందించడానికి వైట్‌హాట్ జూనియర్ సహాయం చేస్తుంద‌ని తెలిపారు.