365తెలుగు డాట్ కామ్ ఆన్ లైన్ న్యూస్,తెలంగాణ ,మే 24,2022: అధికారిక విడుదల ప్రకారం 2022-24 సంవత్సరానికి అక్రిడిటేషన్ కార్డుల జారీ కోసం సమాచార, పౌర సంబంధాల శాఖ దరఖాస్తులను కోరింది. ఇప్పటికే ఉన్న అక్రిడిటేషన్ కార్డ్‌ల చెల్లుబాటు జూన్30తో ముగుస్తుంది. 2022-24 సంవత్సరాల్లో అర్హులైన వర్కింగ్ జర్నలిస్టు లందరికీ కొత్త అక్రిడిటేషన్ కార్డ్‌లు జారీ చేయబడుతున్నాయి. ప్రింట్, ఎలక్ట్రానిక్ మీడియా ,న్యూస్ ఏజెన్సీల యాజమాన్యాలు తమ సంస్థలకు చెందిన వర్కింగ్ జర్నలిస్ట్‌ల పేర్ల జాబితాను జూన్ 6వతేదీలోపు సమాచార, ప్రజాసంబంధాల విభాగానికి తప్పనిసరిగా సమర్పించాల్సి ఉంది.
ఇండిపెండెంట్ జర్నలిస్టులు నేరుగా ఆన్‌లైన్ ద్వారా దరఖాస్తు చేసుకోవచ్చు. రాష్ట్ర స్థాయి అక్రిడిటేషన్ కార్డుల పేర్లను కమీషనర్, సమాచార, పౌర సంబంధాలు, హైదరాబాద్‌కు పంపాలి. జిల్లా స్థాయి అక్రిడిటేషన్ కార్డుల పేర్లను జిల్లాల సంబంధిత డిపిఆర్వోలకు పంపవచ్చు. మేనేజ్‌మెంట్‌లు తమ పేర్లను పంపిన జర్నలిస్టులు మే 25వతేదీ నుంచి జూన్ 6వతేదీ లోపు వరకు డిపార్ట్‌మెంట్ వెబ్‌సైట్
http://ipr.telangana.gov.inలో ఆన్‌లైన్ ద్వారా అక్రిడిటేషన్ కార్డ్‌ల కోసం తమ దరఖాస్తులను సమర్పించాల్సిఉంటుంది.