365తెలుగు డాట్ కామ్ ఆన్ లైన్ న్యూస్,న్యూఢిల్లీ,ఆగస్టు16,2022: ప్రధానమంత్రి నరేంద్ర మోదీ ఆగస్టు 5, 2020న అయోధ్యలోని రామ్ లల్లా ఆలయ భూమి పూజను నిర్వహించారు. రెండేళ్లు పూర్తయిన తర్వాత, నిర్మాణ పనులను పరిశీలించేందుకు ఐఏఎన్ఎస్ బృందం అయోధ్యను సందర్శించింది. శ్రీ రామ జన్మభూమి తీర్థ క్షేత్ర ట్రస్ట్ ప్రధాన కార్యదర్శి చంపత్ రాయ్‌తో ఆలయ నిర్మాణ పనుల నుంచి కొత్త అయోధ్య అభివృద్ధి వరకు అనేక సమస్యలపై ఐఏఎన్ఎస్ బృందం మాట్లాడింది.
శరవేగంగా రామమందిరం నిర్మాణం 40 శాతం వరకు పూర్తయిందని చంపత్ రాయ్‌ తెలిపారు. ప్రస్తుతం ఆలయ పీఠానికి సంబంధించిన పనులు కొనసాగుతున్నాయి. కొత్త ఆలయ నిర్మాణ పనులు డిసెంబర్ 2023 నాటికి పూర్తవుతాయి, అప్పుడు ప్రజలు రామ్ మందిర్ ను సందర్శించగలరు. 67 ఎకరాల విస్తీర్ణంలో ఆలయం సముదాయాన్ని నిర్మిస్తున్నారు. ఆధునిక యంత్రాలు, సాంకేతిక పరిజ్ఞానంతో నిర్మాణ పనులు చేపడుతున్నారు. ఆలయ పునాది15 మీటర్ల లోతు వరకు నిర్మించారు.
ప్రహరీ గోడ నిర్మాణం..
ఆలయ పశ్చిమ భాగంలో ప్రహరీ గోడ నిర్మాణ పనులు కొనసాగుతున్నాయి. ఆలయానికి పశ్చిమాన సరయూ నది ఉంది. అన్ని భౌగోళిక పరిస్థితులను దృష్టిలో ఉంచుకుని ప్రహరీ గోడను నిర్మిస్తున్నారు. గోడ తగినంత లోతుగా ఉంది కాబట్టి అది భారీ వర్షం,నేల కోతకు గురికాకుండా నిలబడడానికి అవకాశం ఉంటుంది. ఒకవేళ సరయూ నది పొంగినా ఆలయానికి ఎలాంటి హాని జరగకుండా ఏర్పాట్లు చేస్తున్నారు.
వచ్చే నెలలో మండప నిర్మాణం ప్రారంభం ఆలయ శంకుస్థాపన పూర్తయిన తర్వాత మండప నిర్మాణ పనులు ప్రారంభిస్తారని, దానిపై 400 స్తంభాలను ఏర్పాటు చేయనున్నారు. గర్భగుడితో సహా మొత్తం ఆలయ మండపాన్ని తయారు చేసేందుకు ఇప్పటికే స్తంభాలు నిర్మించారు. రామ మందిరంలోని కుడు మండపం, నృత్య మండపం, రంగ మండపం స్తంభాలను 30 రోజుల్లో ఏర్పాటు చేయనున్నారు.
అయోధ్య నగరం సరయూ నది ఒడ్డున ఉంది. ఇక్కడికి ఎవరు వచ్చినా సరే సరయు మీద నమ్మకం పెట్టుకోకుండా వెనక్కి వెళ్లరు. దీన్ని దృష్టిలో ఉంచుకుని, సరయూ నదిపై ఘాట్‌ల పునరుద్ధరణ ,పునర్నిర్మాణంపనులు ప్రారంభించింది. కొత్త ఘాట్‌ను పూర్తిగా అభివృద్ధి చేసే పని పూర్తయింది. ఇంతకు ముందు ఇక్కడికి వచ్చేవారు స్నానం చేసి బట్టలు మార్చు కోవడానికి చాలా ఇబ్బందులు పడేవారు. అయితే ఇప్పుడు మహిళల గౌరవాన్ని దృష్టిలో ఉంచుకుని మహిళలకు దుస్తులు మార్చుకునే గదిని నిర్మించారు. అదే సమయంలో ఈ ఘాట్‌ల పరిశుభ్రతపై ప్రత్యేక శ్రద్ధ తీసుకుంటున్నారు.
ఉపాధికి ఊతం..
రామ్ మందిర్ ఆలయం సిద్ధమైతే అక్కడి చుట్టపక్కల ప్రజలకు ఉపాధి దొరుకుతుంది. ఇక్కడికి వచ్చే భక్తుల సంఖ్య లక్షల్లో ఉంటుంది. ఒక అంచనా ప్రకారం ఇక్కడికి వచ్చే భక్తుల సంఖ్య రెండు లక్షలకు పైగా ఉంటుంది. బయటి నుంచి వచ్చే భక్తులకు స్థానిక ప్రజలకు మేలు జరిగేలా భోజన వసతి తదితర ఏర్పాట్లు చేయనున్నారు. ఇందుకోసం రామ మందిర నిర్మాణంతో పాటు అయోధ్య అభివృద్ధికి సంబంధించిన రోడ్ మ్యాప్ కూడా సిద్ధమైంది.