365తెలుగు డాట్ కామ్ ఆన్ లైన్ న్యూస్, అమరావతి ,సెప్టెంబర్ 18,2022: ఆంధ్రప్రదేశ్‌లోని నెల్లూరు జిల్లా కావలి గ్రామంలోని అలిగుంటపాలెం క్రాస్‌రోడ్‌ వద్ద ఆదివారం జరిగిన రోడ్డు ప్రమాదంలో ఇద్దరు వ్యక్తులు మృతి చెందారు. స్థానికులు తెలిపిన వివరాల్లోకి వెళితే, కారు నెల్లూరు నుంచి ఒంగోలుకు వస్తుండగా డివైడర్‌ను ఢీకొని పంట కాల్వలోకి దూసుకెళ్లింది.
ఈ ప్రమాదంలో ఇద్దరు మృతి చెందగా, మరో నలుగురికి గాయాలు కావడంతో వారిని ఆస్పత్రికి తరలించారు. పోలీసులు కేసు నమోదు చేసి తదుపరి దర్యాప్తు చేస్తున్నారు.