365తెలుగు డాట్ కామ్ ఆన్‌లైన్ న్యూస్,హైదరాబాద్,అక్టోబర్ 21,2022: బంజారాహిల్స్‌లోని బీఎస్‌డీ డీఏవీ స్కూల్‌ గుర్తింపును రద్దు చేయాలని విద్యాశాఖ మంత్రి పీ సబితా ఇంద్రారెడ్డి శుక్రవారం హైదరాబాద్ జిల్లా విద్యాశాఖాధికారి (డీఈవో)ని ఆదేశించారు.బీఎస్‌డీ డీఏవీ స్కూల్లో నాలుగేళ్ల బాలికపై లైంగిక వేధింపుల కేసు నమోదైన నేపథ్యంలో విద్యాశాఖ మంత్రి ఈ మేరకు ఆదేశాలు జారీ చేశారు.
LKG బాలికపై లైంగిక వేధింపులకు కారణమైన బంజారాహిల్స్‌లోని BSD DAV పాఠశాల గుర్తింపును తక్షణమే రద్దు చేయాలనీ హైదరాబాద్ జిల్లా విద్యా శాఖాధికారిని ఆదేశించడం జరిగింది.@TelanganaCMO, @KTRTRS . pic.twitter.com/fdWg2JEAiX
— SabithaReddy (@SabithaindraTRS) October 21, 2022
ప్రస్తుత విద్యా సంవత్సరంలో ఎలాంటి నష్టం వాటిల్లకుండా ఉండేందుకు ప్రస్తుతం బీఎస్‌డీ డీఏవీ స్కూల్‌ విద్యార్థులను వేరే పాఠశాలకు తరలిస్తామని మంత్రి సబితా తెలిపారు.
తెలంగాణ రాష్ట్రవ్యాప్తంగా పాఠశాలల్లో భద్రతా అంశాలను పరిశీలించేందుకు విద్యాశాఖ కార్యదర్శి నేతృత్వంలో నలుగురు సభ్యుల కమిటీని కూడా విద్యాశాఖ మంత్రి ఏర్పాటు చేశారు. వారంలోగా సిఫార్సులతో కూడిన నివేదిక ఇవ్వాలని కమిటీని ఆమె ఆదేశించారు.