365తెలుగు డాట్ కామ్ ఆన్ లైన్ న్యూస్, ఖమ్మం జిల్లా, మార్చి18,2023: ఖమ్మం జిల్లాలోని ఎర్రుపాలెం మండలంలో శనివారం సాయంత్రం కురిసిన భారీ వర్షానికి పంటలు తీవ్రంగా దెబ్బతిన్నాయి.
పెద్దగోపవరం రెవిన్యూ పరిధిలో ఉన్న పసుపులేటి నాగేంద్ర రఘురామ్ అనే కౌలు రైతుకు చెందిన నాలుగు ఎకరాల పంట మొత్తం భారీవర్షాల కారణంగా తీవ్రంగా దెబ్బ తిన్నది. పంట మొత్తం నేలకొరిగింది.
ఈ సందర్భంగా ఏవో విజయభాస్కర్ రెడ్డి మాట్లాడుతూ.. ఎర్రుపాలెం మండలంలో సుమారు 2,250 ఎకరాల మొక్క పంట సాగవుతున్నట్లు తెలిపారు. మండలంలో మొత్తం 4వేల ఎకరాలకు పైగా మిర్చి పంట పండిస్తున్నట్లు ఆయన వెల్లడించారు.
శనివారం సాయంత్రం కురిసిన అకాల వర్షానికి బొప్పాయి, మునగ తోటలు సైతం పూర్తిగా నేలకొరగడంతో తీవ్ర నష్టం వాటిల్లింది. పిందె దశలో ఉన్న మామిడి తోటలు కూడా సగంపైనే పంట దెబ్బతిన్నాయని రైతులు వాపోతున్నారు.