365తెలుగు డాట్ కామన్ లైన్ న్యూస్,హైదరాబాద్,ఏప్రిల్ 4,2023: ట్విట్టర్ లోగో మార్చారు.. మైక్రో-బ్లాగింగ్ ప్లాట్ ఫామ్ వెబ్ వెర్షన్‌లో ‘బ్లూ బర్డ్’ లోగో హోమ్ బటన్‌గా ఉండేది. ఇప్పుడు అది “డాగ్ ” ఫొటోతో రీప్లేస్ చేశారు.
ట్విట్టర్ చీఫ్ ఎగ్జిక్యూటివ్ ఆఫీసర్ (సీఈఓ) ఎలోన్ మస్క్ గత ఏడాది అక్టోబర్‌లో బాధ్యతలు స్వీకరించినప్పటి నుంచి మైక్రో బ్లాగింగ్ సైట్‌కు కొత్త విధానాలు ,మార్పులు చేస్తూనే ఉన్నారు.
ఆయా మార్పులను కొనసాగిస్తూఎలాన్ మస్క్మరోసారి ట్విట్టర్‌కి కొత్త అప్‌డేట్‌ను తీసుకొచ్చాడు. ఈసారి ట్విట్టర్ ఐకానిక్ ‘బ్లూ బర్డ్’ లోగోను క్రిప్టోకరెన్సీకి చెందిన డోజీకోయిన్ “డోజీ” మీమ్ తో మార్చాడు.
“షిబాఇనూ” అనేది జపాన్ కు చెందిన ఓ కుక్క జాతి. ఈ కుక్క చిత్రాన్ని “డోజీ”గా వ్యవహరిస్తుంటారు.
సోమవారం ఉదయం ‘బ్లూ బర్డ్’ లోగో వెబ్ వెర్షన్‌లో హోమ్ బటన్‌ స్థానంలో ట్విట్టర్ వినియోగదారులు”డోజీ”ని గమనించారు, ఇది డోజీ కోయిన్ అనేది క్రిప్టోకరెన్సీ లోగో. 2013లో సరదాగా దీనిని తయారుచేసారు. అప్పటినుంచి అలాగే స్థిర పడిపోయింది.
మస్క్ తన ఖాతాలో విచిత్రమైన పోస్ట్‌ను పంచుకున్నాడు, అందులో కారులో ‘డోజీ’ మీమ్ తన డ్రైవింగ్ లైసెన్స్‌ని చూస్తున్నట్లు కనిపించే పోలీసు అధికారికి తన ఫోటో మార్చబడిందని చెబుతుంది.
ట్విట్టర్ మొబైల్ యాప్‌లో..
ముఖ్యంగా ట్విట్టర్ మొబైల్ యాప్‌లో ఎలాంటి మార్పు లేదు. మార్పునకు సంబంధించి ఎలోన్ మస్క్ కు మరొకరికి మధ్య జరిగిన సంభాషణ గురించిన స్క్రీన్‌షాట్‌ను కూడా పంచుకున్నారు, అక్కడ అతను బర్డ్ లోగోను “డోజీ”గా మార్చమని అడుగుతాడు.
ఈ పోస్ట్‌ను ట్విట్టర్‌లో పంచుకుంటూ, మస్క్, “వాగ్దానం చేసినట్లు” అని రాశారు. ఈ చర్చ మార్చి 26, 2022న జరిగింది. క్రిప్టోకరెన్సీకి చెందిన డోజీకోయిన్ “డోజీ” మీమ్ గా మార్చడంతో దీనివిలువ 20శాతం పైగా పెరిగింది. గతంలో కూడా మస్క్ ‘డోజీ” మీమ్ ను సోషల్ మీడియాలో ప్రచారం చేశాడు.