పేద వారికి జీవనోపాధి కల్పించేందుకు పనిముట్లు అందించిన ఫ్రీమేసన్స్ గ్రాండ్ మాస్టర్ అనీష్ కుమార్ శర్మ..

-ఫ్రీమేసన్స్ వారి 9వ లెగ్ ఆఫ్ గిఫ్ట్-ఎ-లైవ్లీహుడ్’ ప్రోగ్రామ్..

365తెలుగు డాట్ కామ్ ఆన్ లైన్ న్యూస్,హైదరాబాద్, నవంబర్ 25,2023: గోషామహల్ బారాదరిలో జరిగిన కార్యక్రమంలో భారతదేశంలోని ఫ్రీమేసన్స్ హెడ్ అనీష్ కుమార్ శర్మ, తెలంగాణ వ్యాప్తంగా వివిధ వృత్తుల నుంచి వచ్చిన 50 మంది చిరువ్యాపారులు, వృత్తిదారులు, వీధి వ్యాపారులకు మెరుగైన సంపాదన కోసం పనిముట్లు అందజేశారు.

శుక్రవారం సాయంత్రం గోషామహల్, నాంపల్లిలోని మేసోనిక్ భవనంలో ఈ కార్యక్రమం జరిగింది.

ఈసందర్భంగా పలువురు మేసోనిక్ ప్రముఖులు, సభ్యులు జానకి రామ్ శర్మ, పి యస్ మూర్తి, శ్రీమతి రాఖీ కంకారితో పాటు తదితరులు పాల్గొన్నారు.

దరఖాస్తు చేసుకున్న 683 మందిలో ఉద్యోగానికి సరైన సాధనాలు లేని 50 మంది ప్రతిభావంతులైన, కష్టపడి పనిచేసే, పేదవారిని ఎంపిక చేశారు.

కొంతమంది లబ్ధిదారులు తమ అన్నదాతను కోల్పోయారు. వారిలో కొందరు కుటుంబానికి అదనపు ఆదాయాన్ని అందించాలనుకున్నారు. వారిలో కొందరు ప్రతిభావంతులు కానీ పేదవారు, వారి వృత్తిపరమైన విధులను నిర్వర్తించడానికి సాధనాలు, పనిముట్లు అవసరం ఉన్నవారికి సాయం అందించారు.

ఈ సాధనాలు ప్రీమేసన్స్ ముఖ్యనైనా చొరవ ‘గిఫ్ట్-ఎ-లైవ్లీహుడ్’ క్రింద అందించబడ్డాయి.

ఇది వారి 9వ విడత ,ఇక్కడ వారు టిఫిన్ సెంటర్ మెటీరియల్‌లను, ఐరన్ బాక్స్‌లు, కుట్టు మిషన్లు, పికో మెషీన్లు, కార్పెంటర్లు, ఎలక్ట్రీషియన్లు, స్కూటర్ మెకానిక్‌లు, బార్బర్‌లు, ధోబీలకు పనిముట్లు అందజేశారు.

దివ్యాంగురాలు వరలక్ష్మితోపాటు పలువురు లబ్ధిదారులు నిరుపేద నేపథ్యానికి చెందిన వారే.

ప్రాజెక్టు వ్యయం 3.75 లక్షలు. ఫ్రీమేసన్స్ ఇప్పటివరకు 730 మంది చిరువ్యాపారులకు సహాయం చేసి ఎనిమిది విడతలలో రూ.43. 7 లక్షల విలువైన పనిముట్లను అందించారు. ప్రాజెక్ట్ కోసం నిధులను ఫ్రీమేసన్రీ సభ్యులు అందించారు.

ఈ సందర్భంగా అనీష్ కుమార్ మాట్లాడుతూ.. జీవనోపాధి అనేది ఎవరికైనా ఇవ్వగలిగే అత్యుత్తమ బహుమతి అన్నారు. హైదరాబాద్‌లో ఫ్రీమేసన్స్‌ సేవలందిస్తున్న వారిని అభినందించారు.

Gift-A-Livelihood, ప్రజలు తమ జీవనోపాధిని తిరిగి పొందడంలో సహాయం చేయడానికి కరోనా సమయంలో ప్రారంభించిన ఒక చిన్న చొరవ ఇప్పుడు ఎంతగానో అభివృద్ధి చెందింది.

ఈ చొరవ భారతదేశం అంతటా మెసానిక్ సెంటర్ల తో పాటు పెద్ద మొత్తంలో కమ్యూనిటీల ద్వారా ఎన్నో ప్రాంతాలకు వ్యాపించింది

నవంబర్ 25, 26 తేదీల్లో నగరంలో గ్రాండ్ ఫెస్టివల్ 23 జరుగుతున్న సందర్భంగా 9వ విడత గిఫ్ట్-ఎ-లైవ్లీహుడ్ నిర్వహించామని, ఇందులో భారతదేశ వ్యాప్తంగా 1200 మంది ఫ్రీమేసన్‌లు.

7 దేశాల నుంచి ప్రతినిధులు పాల్గొంటున్నట్లు డి.రాంచంద్రం, పి. వీరభద్రుడు, విజయ్ కైలాష్ బీర్వాల్, మద్దులేట్టి. ఎం. రాజ్‌కుమార్ తెలిపారు.

భారతదేశంలో ఫ్రీమేసన్స్ అత్యున్నత సంస్థ అయిన గ్రాండ్ లాడ్జ్ ఆఫ్ ఇండియా 62 సంవత్సరాల చరిత్రలో తెలుగు రాష్ట్రాల్లో ఫ్రీమాసన్రీ మొట్టమొదటి వార్షిక సమ్మేళనం నిర్వహించనున్నారు.