365తెలుగు డాట్ కామ్ ఆన్ లైన్ న్యూస్, మార్చి 25,2024: మనమందరం రోజువారీ చెల్లింపులు చేయడానికి క్యూఆర్ కోడ్ ను ఉపయోగిస్తూ ఉంటాం. కొన్నిసార్లు బార్ కోడ్‌ని ఉపయోగిస్తాము. అయితే ఈ రెండింటి మధ్య తేడా ఏమిటో మీరు ఎప్పుడైనా తెలుసుకోవాలని ప్రయత్నించారా..? ఈ వార్త చదివాక మీ అయోమయం అంతా తీరిపోతుంది. QR కోడ్ ,బార్ కోడ్ గురించి ఇప్పుడు తెలుసుకుందాం..
బార్ కోడ్ vs క్యూఆర్ కోడ్..
క్యూఆర్ కోడ్ ,బార్ కోడ్ మధ్య తేడా ఏమిటి..?
మా జీవితం డిజిటల్‌గా మారింది. ఫుడ్ ఆర్డర్ చేయడం దగ్గర్నుంచి షాపింగ్ వరకు అన్నీ ఇంట్లో కూర్చునే చేసుకోవచ్చు. వీటన్నింటికీ చెల్లించడానికి, క్యూఆర్ కోడ్ పై ఆధారపడుతున్నాం. ఐతే డిజిటల్ పేమెంట్స్ విషయంలో కొన్నిసార్లు బార్ కోడ్ ను కూడా ఉపయోగిస్తూ ఉంటాం.
అయితే ఈ రెండింటి మధ్య తేడా ఏమిటో మీరు ఎప్పుడైనా తెలుసుకోవాలని ప్రయత్నించారా? చాలా మంది ఈ రెండింటినీ ఒకేలా భావిస్తారు. కానీ నిజానికి ఈ రెండింటికీ చాలా తేడా ఉంది. ఆ తేడా ఏంటో ఇప్పుడు తెలుసు కుందామ్..
క్యూఆర్ కోడ్ అంటే ఏమిటి..?
ముందుగా క్యూఆర్ కోడ్ అంటే ఏమిటో తెలుసుకుందాం. క్యూఆర్ కోడ్ ను క్విక్ రెస్పాన్స్ అని కూడా అంటారు. సాధారణంగా ఇది బార్ కోడ్ అధునాతన వెర్షన్‌గా పరిగణిస్తారు. ఇది చతురస్రాకారంలో ఉంటుంది. ఇందులో, బార్ కోడ్‌తో పోలిస్తే చాలా సమాచారాన్ని ఏకకాలంలో నిల్వ చేయవచ్చు.
క్యూఆర్ కోడ్ : చెల్లింపులు చేయడానికి ఉపయోగిస్తారు.
బార్ కోడ్..
క్యూఆర్ కోడ్ తో పోలిస్తే బార్ కోడ్ తక్కువ సమాచారాన్ని నిల్వ చేయగలదు. అయితే ఏళ్ల తరబడి ఈ పద్ధతి కొనసాగుతోంది. ఇది1974 లో ప్రారంభమైంది. ఇది వ్యాపార ప్రయోజనాల కోసం తీసుకువచ్చారు. బార్ కోడ్‌లను ఆప్టికల్ పరికరం ద్వారా స్కాన్ చేస్తారు. బార్ కోడ్ సమాంతర రేఖలతో తయారు చేశారు. ఈ లైన్లే దాని ప్రధాన గుర్తింపు.
బార్‌కోడ్ అనేది మెషిన్-రీడబుల్ ఆప్టికల్ లేబుల్, ఇది సంఖ్యలు, ఇతర చిహ్నాలను సూచించే వివిధ వెడల్పుల బార్‌లను కలిగి ఉంటుంది. ఉత్పత్తులను గుర్తించడానికి, జాబితాను ట్రాక్ చేయడానికి,ఉత్పత్తి ప్రామాణికతను ధృవీకరించడానికి బార్‌కోడ్‌లు ఉపయోగపడతాయి. అవి తరచుగా సూపర్ మార్కెట్లు, కన్వీనియన్స్ స్టోర్లు, ఇతర దుకాణాలలో విక్రయించే ఉత్పత్తుల ప్యాకేజీలలో కనిపిస్తాయి.
బార్ కోడ్ : ఏదైనా వస్తువు గురించిన సమాచారాన్ని నిల్వ చేయడానికి బార్ కోడ్ ఉపయోగిస్తారు. ఇది సాధారణంగా ఉత్పత్తులపై కనిపిస్తుంది.
ఇది కూడా చదవండి.. Google ఫోటోల నుంచి మీ ఫోటోలను ఏలా డౌన్‌లోడ్ చేయాలి..?ఇది కూడా చదవండి.. IPL కోసం SRHతో కేర్ హాస్పిటల్స్ గ్రూప్ భాగస్వామ్యం..