365తెలుగు డాట్ కామ్ ఆన్ లైన్ న్యూస్, డిసెంబర్ 4,2024: తమిళ బ్లాక్‌బ‌స్ట‌ర్ మూవీ ‘డా.. డా’ను తెలుగులో ‘పా.. పా..’ పేరుతో జెకె ఎంటర్టైన్మెంట్స్ బ్యానర్‌పై, నిర్మాత నీరజ కోట ప్ర‌చారంలోకి తీసుకొచ్చారు.
ఈ మూవీ డిసెంబర్ 13న ఆంధ్ర, తెలంగాణతో పాటు అమెరికా, ఆస్ట్రేలియాలో పెద్ద ఎత్తున విడుదల కానుంది. ఈ సందర్భంగా ‘పా.. పా..’ మూవీ ట్రైలర్‌ను ప్రముఖ డైరెక్టర్ మారుతి విడుదల చేశారు.
ఈ సందర్భంగా డైరెక్టర్ మారుతి మాట్లాడుతూ, “తమిళంలో సెన్సేష‌న‌ల్ హిట్ అయిన ‘డా.. డా’ సినిమా తెలుగులో ‘పా.. పా..’ పేరుతో విడుదల అవ్వ‌డం సంతోషంగా ఉంద‌ని, ఈ సినిమా తెలుగులో కూడా బ్లాక్‌బ‌స్ట‌ర్ అవ్వ‌డం ఖాయ‌మ‌న్నారు.
ఈ సినిమా తెలుగు ప్రేక్షకులకు బాగా కనెక్ట్ అవుతుందని విశ్వసిస్తున్నాను. ‘పా.. పా..’ చిత్ర యూనిట్‌కు నా శుభాకాంక్షలు” అని చెప్పారు.
గత ఏడాది, ‘డా.. డా’ సినిమా తమిళంలో అద్భుతమైన విజయం సాధించింది. కవిన్, అపర్ణ దాస్ ప్రధాన పాత్రలలో నటించిన ఈ సినిమాను గణేష్ కె బాబు దర్శకత్వం వహించారు. ఈ సినిమా కోలీవుడ్‌లో భారీ విజయాన్ని సాధించి, డిస్ట్రిబ్యూటర్లకు పెద్ద ఆర్థిక లాభం ఇచ్చింది.
కేవలం తక్కువ బడ్జెట్‌తో తెర‌కెక్కిన ఈ సినిమా సుమారు ₹30 కోట్లు వసూళ్లను సాధించింది. ఈ సినిమాకు హార్ట్ టచ్ అయ్యే పాటలు కూడా మరో ప్రత్యేక ఆకర్షణగా నిలిచాయి.
తండ్రి-కొడుకు సెంటిమెంట్‌తో తెరకెక్కి తమిళంలో బ్లాక్‌బ‌స్ట‌ర్ విజయాన్ని సాధించిన ‘డా.. డా’ చిత్రం తెలుగులో ‘పా.. పా..’ పేరుతో కూడా ప్రేక్షకులను ఆకట్టుకుంటుంద‌ని producer నీరజ కోట తెలిపారు.
ఈ ఫీల్ గుడ్ ఎమోషనల్ డ్రామా భావోద్వేగం, ప్రేమ, కామెడీ విలీనం చేసిన సినిమాగా తెలుగు ప్రేక్షకులకు కూడా బాగా కనెక్ట్ అవుతుందని, బ్లాక్ బ‌స్ట‌ర్ మూవీ గా నిలుస్తుంది అన్నారు.
తెలుగు రాష్ట్రాల్లో ఈ సినిమాను ఎంజీఎం సంస్థ ద్వారా అచ్చిబాబు విడుదల చేస్తూరు.
ప్రొడక్షన్ హౌస్: JK ఎంటర్టైన్మెంట్స్
నిర్మాత: నీరజ కోట
హీరో: కవిన్
హీరోయిన్: అపర్ణా దాస్
నటీనటులు: భాగ్యరాజా, వీటీవీ గణేష్, ఐశ్వర్య, ప్రదీప్ శక్తి
మ్యూజిక్: జెన్ మార్టిన్
సాహిత్యం: రవివర్మ ఆకుల
పీఆర్వో: కడలి రాంబాబు, అశోక్ దయ్యాల.