365తెలుగు డాట్ కామ్ ఆన్ ,లైన్ న్యూస్,హైదరాబాద్, ఏప్రిల్ 1,2025: డిజిటల్ చెల్లింపుల్లో విప్లవాత్మక మార్పులు తీసుకొచ్చిన యూనిఫైడ్ పేమెంట్స్ ఇంటర్‌ఫేస్ (UPI) కొత్త నియమాలు ఈ రోజు నుంచి అమల్లోకి వచ్చాయి. దేశవ్యాప్తంగా Google Pay, PhonePe, Paytm వంటి ప్రముఖ UPI ప్లాట్‌ఫాంలను ఉపయోగించే కోట్లాది మంది వినియోగదారులకు ఇది కీలకమైన మార్పుగా మారింది.
కొత్త మార్గదర్శకాలు ఏమిటి?
ఇప్పటి వరకు చెల్లింపులలో ఎలాంటి ఇబ్బందులు లేకుండా సేవలు అందుబాటులో ఉండేవి. అయితే, ఏప్రిల్ 1, 2025 నుంచి నేషనల్ పేమెంట్స్ కార్పొరేషన్ ఆఫ్ ఇండియా (NPCI) కొత్త నిబంధనలను అమలు చేసింది. ఈ మార్పుల వల్ల చాలా కాలంగా క్రియారహితంగా ఉన్న మొబైల్ నంబర్లు బ్యాంకింగ్ వ్యవస్థ నుంచి తొలగించనున్నాయి. దీని ముఖ్య ఉద్దేశ్యం సైబర్ మోసాలను అరికట్టడం, భద్రతను మరింత బలోపేతం చేయడం.
ఇది కూడా చదవండి..ఏప్రిల్ ఫస్ట్ ను ఫూల్స్ డే గా ఎందుకు జరుపుకుంటారు..?
ఇది కూడా చదవండి..ప్రముఖ చారిత్రక, పురావస్తు పరిశోధకుడు మైనా స్వామికి ఉగాది పురస్కారం..
మొబైల్ నంబర్ ఎందుకు తొలగిస్తున్నారు?
పాత మొబైల్ నంబర్లను టెలికాం కంపెనీలు వేరొకరికి మళ్లీ జారీ చేయగలవు. దీనివల్ల గత వినియోగదారుని బ్యాంకింగ్ సమాచారం కొత్త వినియోగదారుడి చేతికి వెళ్లే అవకాశముంది. ఇది సైబర్ మోసాలకు దారి తీసే అవకాశం ఉండటంతో, NPCI బ్యాంకులకు ఈ నంబర్లను తొలగించాలని ఆదేశాలు జారీ చేసింది.
ఈ మార్పుల వల్ల మీ చెల్లింపులు నిలిచిపోతాయా?
కొత్త UPI నిబంధనల వల్ల, మీ బ్యాంక్ అకౌంట్‌కు లింక్ అయిన మొబైల్ నంబర్ తొలగించబడే అవకాశం ఉంది. అటువంటి పరిస్థితిలో, మీ ఫోన్ నంబర్ వేరొకరికి బదిలీ చేసితే , UPI లావాదేవీలు నిలిచిపోతాయి.
మీరు ఏం చేయాలి?
మీ Google Pay, PhonePe, Paytm వంటి UPI సేవలు పని చేయడం లేదంటే, ఈ చర్యలు తీసుకోండి:
✅ బ్యాంక్‌లో రిజిస్టర్ చేసిన మొబైల్ నంబర్ తనిఖీ చేయండి – మీ బ్యాంక్ బ్రాంచ్‌కి వెళ్లి లేదా నెట్ బ్యాంకింగ్, మొబైల్ బ్యాంకింగ్ ద్వారా మీ సరైన నంబర్ లింక్ అయిందా? లేక పాత నంబర్ మిగిలిందా? అని చెక్ చేసుకోండి.
Read this also…Actor Krishna Sai Extends Financial Support to Cine Photojournalist RK Choudhary
✅ పాత నంబర్ ఉంటే వెంటనే అప్‌డేట్ చేయండి – బ్యాంక్‌లో మీ పాత మొబైల్ నంబర్ ఇంకా నమోదై ఉందా? అయితే, వెంటనే కొత్త నంబర్‌ను నవీకరించండి.
✅ UPI యాప్‌లో రీ-రిజిస్ట్రేషన్ చేసుకోండి – బ్యాంక్‌లో నంబర్ అప్‌డేట్ అయిన తర్వాత, UPI యాప్‌ను మళ్లీ రిజిస్టర్ చేసుకుని కొత్త నంబర్ ద్వారా OTP పొందండి.
ఈ మార్గదర్శకాల్ని పాటించడం ద్వారా మీ UPI సేవలు మళ్లీ సజావుగా కొనసాగుతాయి. కాబట్టి, ఏప్రిల్ 1, 2025 నుంచి మీ Google Pay, PhonePe, Paytm లావాదేవీలు నిలిచిపోతే భయపడాల్సిన అవసరం లేదు. కేవలం కొత్త మార్గదర్శకాల ప్రకారం నడుచుకుంటే సరిపోతుంది.