365తెలుగు డాట్ కామ్ ఆన్ లైన్ న్యూస్, జూన్ 19,2025: భారత దేశ చరిత్రలో ఓ సంచలనాత్మక రాజకీయ హత్య కేసు మళ్లీ వెలుగులోకి రాబోతోంది. ప్రముఖ ఓటీటీ ప్లాట్‌ఫామ్ సోనీ లివ్, అప్లాజ్ ఎంటర్టైన్మెంట్,కుకునూర్ మూవీస్ సంయుక్తంగా రూపొందించిన “ది హంట్: రాజీవ్ గాంధీ హత్య కేసు” అనే కొత్త పొలిటికల్ థ్రిల్లర్ సిరీస్ జూలై 4 నుంచి ప్రసారం కానుంది.
ఈ సిరీస్ ప్రముఖ ఇన్వెస్టిగేటివ్ జర్నలిస్ట్ అనిరుద్ధ్య మిత్ర రాసిన బెస్ట్‌సెల్లర్ పుస్తకం “నైంటీ డేస్” ఆధారంగా రూపొందించబడింది. దేశాన్ని షేక్ చేసిన ఈ హత్య తర్వాత 90 రోజుల పాటు జరిగిన హంతకుల వేట, విచారణలు, ఇంటెలిజెన్స్ వైఫల్యాలు,రాజకీయం చుట్టూ అల్లిన ఈ కథకు జాతీయ అవార్డు విజేత నగేష్ కుకునూర్ దర్శకత్వం వహించారు. ఆయనతో పాటు రోహిత్ బనవాలికర్, శ్రీరామ్ రాజన్ కలిసి స్క్రీన్‌ప్లేను రూపొందించారు.
🔹 ప్రధాన తారాగణం:
- అమిత్ సియాల్ – డి.ఆర్. కార్తికేయన్ (SIT చీఫ్)
- సాహిల్ వైద్ – అమిత్ వర్మ (SP-CBI)
- భగవతి పెరుమాళ్ – రాఘవన్ (DSP-CBI)
- డానిష్ ఇక్బాల్ – అమోద్ కాంత్ (DIG-CBI)
- గిరిష్ శర్మ – రాధావినోద్ రాజు (DIG-CBI)
- విద్యుత్ గర్గ్ – కెప్టెన్ రవీంద్రన్ (NSG కమాండో)
- శఫీక్ ముస్తఫా, అంజనా బాలాజీ, బి. సాయి దినేష్, శృతి జయన్, గౌరి మీనన్ తదితరులు కీలక పాత్రల్లో కనిపించనున్నారు.
Read This also…The Hunt: The Rajiv Gandhi Assassination Case comes alive, streaming from 4th July on Sony LIV!
Read This also…ZEE5 Unveils ‘Viraatapalem: PC Meena Reporting’ – A Gripping Telugu Supernatural Thriller Premiering June 27
ఇది కూడా చదవండి…ZEE5లో జూన్ 27న ప్రసారం కానున్న ‘విరాటపాలెం: PC మీనా రిపోర్టింగ్’..
ఈ సిరీస్ గూఢచర్యం, కుట్రలు, ఆత్మీయ బాధ, న్యాయం కోసం సాగిన వేట నేపథ్యంలో సాగుతుంది. నిజ ఘటనల ఆధారంగా రూపొందించబడిన ఈ సిరీస్ ప్రేక్షకులను గట్టి ఊపిరి పట్టేలా ఉంచనుంది.