365తెలుగు డాట్ కామ్ ఆన్ లైన్ న్యూస్, నవంబర్ 15,2025: హైదరాబాద్ నివాసితులకు ప్రత్యేక అనుభవాన్ని అందించేందుకు సౌదీ జాతీయ పర్యాటక బ్రాండ్ ‘సౌదీ – వెల్‌కమ్ టు అరేబియా’ తన అద్భుత ఎక్సపీరియెన్షియల్ ప్రదర్శన స్పెక్టాక్యులర్ సౌదీని మొదటిసారిగా నగరానికి తీసుకొచ్చింది.
నవంబర్ 21 నుంచి 23 వరకు శరత్ సిటీ మాల్‌లో కొనసాగనున్న ఈ ప్రత్యేక ఈవెంట్, సందర్శకులను సౌదీ అరేబియా సహజ సౌందర్యం, చారిత్రక వైభవం, ఎడారుల ఆకర్షణ,అసలైన సౌదీ కాఫీ సువాసనలతో నింపిన అనుభవాల లోకంలోకి తీసుకెళుతుంది.
ఢిల్లీ, బెంగళూరు, అహ్మదాబాద్, ముంబై తర్వాత బహుళ-నగర ప్రయాణంలోని తదుపరి గమ్యంగా హైదరాబాద్‌ను ఎంచుకున్న స్పెక్టాక్యులర్ సౌదీ 2025, సంస్కృతి, వంటకాలు, శిల్పకళ, సృజనాత్మకతల సమ్మేళనాన్ని ఒకే వేదికపై అందిస్తోంది.
ది ఎసెన్స్ ఆఫ్ సౌదీ అనే వారసత్వ–డిజైన్ అనుభవం నుండి బ్రూటోపియా: ఎ కహ్వా ఎక్స్‌పీరియన్స్ వరకు పలు వినూత్న ఆకర్షణలు సందర్శకులను ఆకట్టుకోనున్నాయి. అదే సమయంలో ఎపిక్యూరియన్–కలినరీ కార్నర్ సందర్శకులకు సౌదీ యొక్క అభివృద్ధి చెందుతున్న ఫుడ్ కల్చర్‌ను పరిచయం చేస్తుంది.
ప్రయాణాభిమానుల కోసం ఈ ఈవెంట్ మరింత సౌకర్యాలను కల్పిస్తోంది. ఆన్-సైట్ తషీర్ కియోస్క్‌లు ప్రయాణ సమాచారం, వీసా సహాయాన్ని సులభంగా అందించి సౌదీ ప్రయాణాన్ని మరింత సులభతరం చేస్తాయి.
సందర్శకులకు ఆకర్షణీయమైన బహుమతులు కూడా సిద్ధంగా ఉన్నాయి. రియాద్‌కు నాలుగు రాత్రుల విహారయాత్ర (వసతి, విమానాశ్రయ బదిలీలు, నగర పర్యటనలతో), ఎంపిక చేసిన బుకింగ్‌లపై ఉచిత రాత్రులు, ప్రత్యేక జంట బోనస్‌లు, సౌదీ విమానాలు, హోటళ్లు, ప్యాకేజీలపై రూ.75 లక్షలకు పైగా విలువైన డిస్కౌంట్ వోచర్లు అందించబడుతున్నాయి.
అంతేకాదు, 2026 రియాద్ ప్యాకేజీ బుకింగ్‌లపై ఉచిత సిక్స్ ఫ్లాగ్స్ ఎంట్రీ టిక్కెట్లు, రియాద్‌లో జరిగే MDL బీస్ట్ సౌండ్‌స్టార్మ్ మ్యూజిక్ ఫెస్టివల్కు జంట పాస్‌లు ఈ ఆఫర్‌ను మరింత ఆకర్షణీయంగా మార్చుతున్నాయి.
చరిత్రను ఆధునికతతో కలిపి అద్భుత శక్తిని ప్రతిఫలించే హైదరాబాద్‌లో, సౌదీ ఆత్మీయ అతిథ్యసత్కారం, సంప్రదాయ వైభవం, సాంస్కృతిక మహత్వాన్ని అనుభవించేందుకు స్పెక్టాక్యులర్ సౌదీ నగరవాసులను ఆహ్వానిస్తోంది.