365తెలుగు డాట్ కామ్ ఆన్ లైన్ న్యూస్,హైదరాబాద్, నవంబర్ 20, 2025: తెలంగాణలో దీర్ఘకాలిక జీవనశైలి వ్యాధులు (NCDs) ఇక పెద్దలకు మాత్రమే పరిమితం కావు – యువతను కూడా దాచుకుంటున్నాయి. డయాబెటిస్, రక్తపోటు, గుండె జబ్బులు గతంలో 50–60 ఏళ్ల తర్వాత కనిపించే వ్యాధులైతే, ఇప్పుడు 20–30 ఏళ్ల వారిలోనే నిర్ధారణ అవుతున్నాయని వైద్య నిపుణులు ఆందోళన వ్యక్తం చేస్తున్నారు.
హైదరాబాద్‌లో ఇటీవల నిర్వహించిన సర్వేలో బయటపడిన ఆందోళనకర గణాంకాలు:
- 60 ఏళ్లు దాటిన వారిలో దాదాపు 50 శాతం మంది రక్తపోటుతో బాధపడుతున్నారు
- నలుగురిలో ఒకరు డయాబెటిస్ బారిన పడ్డారు
- 44 శాతం మంది ఊబకాయం సమస్యతో సతమతమవుతున్నారు
చిన్న వయసులోనే ఈ వ్యాధులు పట్టుకుంటే, 30–40 ఏళ్ల పాటు మందులపై ఆధారపడి జీవించాల్సి వస్తుందని, ఇది భవిష్యత్తులో మరింత తీవ్రమైన సమస్యలకు దారితీస్తుందని నిపుణులు హెచ్చరిస్తున్నారు.
హైదరాబాదీ ఆహార అలవాట్లే మూల కారణం అమెరికాకు చెందిన ప్రముఖ సంస్థ ‘Physicians Committee for Responsible Medicine (PCRM)’ పోషకాహార నిపుణుడు డా. జీషాన్ అలీ హైదరాబాద్‌లోని ఎం.ఎన్.ఆర్ మెడికల్ కాలేజీలో విద్యార్థులకు ఇచ్చిన ఉపన్యాసంలో కీలక విషయాలు వెల్లడించారు.
“హైదరాబాద్ ప్రజల ఆహారంలో అధిక కొవ్వు, తక్కువ ఫైబర్, ఎక్కువగా ప్రాసెస్డ్ ఆహారం, కూర్చునే జీవనశైలి – ఇవే యువతలో దీర్ఘకాలిక వ్యాధులను వేగంగా పెంచుతున్నాయి. ఇలాగే కొనసాగితే రాబోయే తరానికి ఈ భారం మరింత భారం అవుతుంది” అని ఆయన హెచ్చరించారు.
శాకాహారంతో అద్భుత ఫలితాలు – 5 ఏళ్ల అధ్యయనం నిరూపణ డా. జీషాన్ అలీ వెల్లడించిన ఒక ముఖ్య అధ్యయనం ప్రకారం:
- 48 మంది గుండె రోగులపై 5 ఏ ల అధ్యయనం జరిపారు.
- తక్కువ కొవ్వు ఉండే ప్లాంట్-బేస్డ్ శాకాహారం + తేలికపాకార్డియో వ్యాయామం చేసిన గ్రూప్‌లో రక్తనాళాల బ్లాకేజీ గణనీయంగా తగ్గింది.
- మొదటి ఏడాది 1.75 శాతం మెరుగుదల కనిపించగా, ఐదేళ్లకు 3.1 శాతానికి చేరింది.
- అయితే ఆహారంలో మార్పు లేకుండా కేవలం మందులు మాత్రమే తీసుకున్న గ్రూ రోగుల్లో వ్యాధి మరింత పెరిగింది.
పరిష్కారం సులభం – కేవలం ఆహార మార్పే డా. జీషాన్ అలీ సూచన: “సంపూర్ణ ధాన్యాలు, కూరగాయలు, పండ్లు, గింజలు ఆధారిత ప్లాంట్-బేస్డ్ ఆహారం అవలంబిస్తే మెటబాలిక్ రిస్క్‌లు గణనీయంగా తగ్గుతాయి. రాష్ట్రంలో NCD భారాన్ని తగ్గించాలంటే, ముందు వైద్య విద్యలోనే ‘పోషకాహార శిక్షణ’ను తప్పనిసరి భాగం చేయాలి. సాధారణ వైద్యులకే ముందు రోగులు కలిసేది కాబట్టి, వారికి శాస్త్రీయంగా నిరూపితమైన పోషకాహార జ్ఞానం ఉంటే రోగులకు సులభంగా పాటించగల, సురక్షితమైన ఆహార సూచనలు ఇవ్వగలరు” అని ఆయన నొక్కి చెప్పారు.
తరతరాలుగా పెరుగుతున్న దీర్ఘకాలిక వ్యాధుల భారంతో తెలంగాణ సతమతమవుతున్న ఈ సమయంలో, నిపుణులు ఒకే మాట ఒక్కటే చెబుతున్నారు – “మార్చాల్సింది టాబ్లెట్ కాదు, థాలీలో ఉండే ఆహారం”.
రాష్ట్రంలో ఈ ముందస్తు నిరోధక పోషకాహార విధానాన్ని బలంగా అమలు చేస్తేనే భవిష్యత్ తరాల ఆరోగ్యాన్ని కాపాడుకుంటాం అనేది డా. జీషాన్ అలీ ద్వారా ఇటీవల హైదరాబాద్ వైద్య విద్యార్థులకు ఇచ్చిన సందేశం.