365తెలుగు డాట్ కామ్ ఆన్ లైన్ న్యూ, హైదరాబాద్, డిసెంబర్ 20, 2025: ప్రపంచ ప్రఖ్యాత ఆభరణాల సంస్థ ‘మలబార్ గోల్డ్ & డైమండ్స్’ తన ప్రతిష్టాత్మక ‘బ్రైడ్స్ ఆఫ్ ఇండియా’ (Brides of India) 15వ ఎడిషన్ను హైదరాబాద్లోని సోమాజిగూడ ఆర్టిస్ట్రీ స్టోర్లో ఘనంగా ప్రారంభించింది. ఈ నెల 20వ తేదీ నుంచి 28వ తేదీ వరకు జరిగే ఈ ప్రత్యేక ప్రదర్శనను కస్టమర్లు, బ్రాండ్ శ్రేయోభిలాషుల సమక్షంలో ఆవిష్కరించారు.
భారతీయ వివాహ ఆచారాలు, ప్రాంతీయ సౌందర్యం, వైవిధ్యాన్ని ప్రతిబింబించేలా ఈ ప్రదర్శనను రూపొందించారు. ముఖ్యంగా దక్షిణ భారత వధువుల కోసం ఆలయ ప్రేరేపిత (Temple Jewellery) డిజైన్లు, సంప్రదాయ బంగారు పనితనం కలిగిన అద్భుతమైన ఆభరణాలను ఇక్కడ ప్రదర్శిస్తున్నారు. పెళ్లి వేడుకల్లో వధువులు సుదీర్ఘ సమయం ధరించినా సౌకర్యవంతంగా ఉండేలా ఈ ఆభరణాలను తీర్చిదిద్దడం విశేషం.
దక్షిణ భారత శైలితో పాటు, దేశంలోని ఇతర ప్రాంతాల విశిష్ట కళాఖండాలను కూడా మలబార్ గోల్డ్ అందుబాటులోకి తెచ్చింది:
రాజస్థాన్: రాజసం ఉట్టిపడే ‘పోల్కీ’ హస్తకళ.
బెంగాల్: సూక్ష్మమైన డిజైన్లతో కూడిన వారసత్వ ఆభరణాలు.
కేరళ: సంప్రదాయ ‘కసవు’ శైలి ఆభరణాలు.
తమిళనాడు: అపురూపమైన ఆలయ కళాత్మకత.
ఈ కలెక్షన్స్ ద్వారా వివాహ సమయానికి అవసరమైన పూర్తి ‘ట్రౌజ్’ను (Trousseau) ఒకే చోట నిర్మించుకునే వెసులుబాటును కుటుంబాలకు కల్పిస్తోంది.
వినియోగదారుల అభిరుచికి అనుగుణంగా..
ఈ సందర్భంగా మలబార్ గ్రూప్ చైర్మన్ శ్రీ ఎం.పి. అహ్మద్ మాట్లాడుతూ.. “హైదరాబాద్ వినియోగదారులు ఎప్పుడూ సంప్రదాయం, స్వచ్ఛతకు అధిక ప్రాధాన్యత ఇస్తారు. వారి అభిరుచికి తగ్గట్టుగా, ప్రాంతీయ ఆచారాలను గౌరవిస్తూనే.. ఆధునిక వధువులకు నచ్చేలా ఈ ఆభరణాలను రూపొందించాం. కేవలం పెళ్లి రోజునే కాకుండా, ఆ తర్వాత కూడా ధరించగలిగేలా ఇవి అర్థవంతంగా ఉంటాయి” అని పేర్కొన్నారు.
స్టోర్లో కేవలం ఆభరణాలను ప్రదర్శించడమే కాకుండా, నెక్లెస్లు, చోకర్లు, లాంగ్ హారాలు, గాజులు, మంగళసూత్రాలు వంటి వాటిని వధువుల పూర్తి లుక్కు (Wedding Look) సరిపోయేలా స్టైలింగ్ చేసి చూపిస్తున్నారు.
ఆభరణాలను కొనుగోలు వస్తువులా కాకుండా, వివాహ జ్ఞాపకాల్లో ఒక భాగంలా వినియోగదారులు ఊహించుకునేలా ఈ షోకేస్ సహాయపడుతుంది.
ప్రాంతీయ ప్రామాణికత,ప్రపంచ స్థాయి విశ్వసనీయతతో ‘బ్రైడ్స్ ఆఫ్ ఇండియా’ ప్రదర్శన ఇప్పుడు హైదరాబాద్ నగరాన్ని అలరించడానికి సిద్ధంగా ఉంది.