బీ అలర్ట్..! సంక్రాంతికి వెళ్లిన వాహనదారులకు పోలీసుల కీలక సూచనలు..

365తెలుగు డాట్ కామ్ ఆన్ లైన్ న్యూస్,విజయవాడ,జనవరి 17,2026: సంక్రాంతి సంబరాలు ముగించుకుని ప్రజలు తిరిగి నగర బాట పట్టారు. నేడు (శుక్రవారం), రేపు (శనివారం) ఆంధ్రప్రదేశ్ నుంచి హైదరాబాద్‌కు భారీగా వాహనాలు వచ్చే అవకాశం ఉన్నందున పోలీసులు కీలక హెచ్చరికలు జారీ చేశారు. ముఖ్యంగా విజయవాడ-హైదరాబాద్ జాతీయ రహదారిపై రద్దీని దృష్టిలో ఉంచుకుని నల్గొండ జిల్లా ఎస్పీ పలు సూచనలు చేశారు.

వాహనదారులకు కీలక సూచనలు..

చిట్యాల వద్ద జాగ్రత్త: చిట్యాల, పెద్ద కాపర్తి ప్రాంతాల్లో ఫ్లైఓవర్ పనులు జరుగుతున్నందున అక్కడ ట్రాఫిక్ జామ్ అయ్యే ప్రమాదం ఉంది.

నందిగామ ఫ్లైఓవర్ సిద్ధం: ప్రయాణికుల ఇబ్బందులు తొలగించేందుకు నందిగామ వై-జంక్షన్ వద్ద తాత్కాలికంగా ఫ్లైఓవర్‌ను అందుబాటులోకి తెచ్చారు.

ప్రత్యామ్నాయ మార్గాలు: * గుంటూరు నుంచి వచ్చేవారు: మిర్యాలగూడ, హాలియా, కొండమల్లేపల్లి, చింతపల్లి, మాల్ మీదుగా హైదరాబాద్ చేరుకోవచ్చు.

ఇదీ చదవండి..రికార్డు స్థాయి రద్దీ : విజయవాడ హైదరాబాద్ నేషనల్ హైవే NH-65.. సరికొత్త రికార్డు..

ఇదీ చదవండి..జీర్ణకోశ వైద్యంలో విప్లవం: ఏఐజీలో ‘సెంటర్ ఫర్ మైక్రోబయోమ్ రీసెర్చ్’ ప్రారంభం..

నల్గొండ నుంచి వచ్చేవారు: మునుగోడు, నారాయణపూర్, చౌటుప్పల్ మార్గం ఉత్తమం.

భారీ వాహనాలు: కోదాడ వద్ద మళ్లించి మిర్యాలగూడ మీదుగా పంపిస్తున్నారు.

ఆర్టీసీ ప్రత్యేక బస్సులు:
TGSRTC: హైదరాబాద్‌కు తిరిగి వచ్చేవారి కోసం జనవరి 18, 19 తేదీల్లో 6,431 ప్రత్యేక బస్సులను నడుపుతున్నారు. ఎంజీబీఎస్, ఉప్పల్, ఎల్బీనగర్ వద్ద రద్దీకి తగ్గట్లుగా ఏర్పాట్లు చేశారు.

APSRTC: ఏపీ నుంచి హైదరాబాద్, బెంగళూరులకు మొత్తం 4,575 రిటర్న్ స్పెషల్ బస్సులను అందుబాటులో ఉంచారు. వీటిలో సాధారణ ఛార్జీలే వసూలు చేస్తామని ఏపీ రవాణా మంత్రి స్పష్టం చేశారు.

రైల్వే శాఖ ఏర్పాట్లు:
దక్షిణ మధ్య రైల్వే సంక్రాంతి రద్దీ కోసం మొత్తం 150కి పైగా ప్రత్యేక రైళ్లను నడుపుతోంది.

రిజర్వేషన్ లేని వారికోసం: విజయవాడ – విశాఖపట్నం మధ్య జనవరి 18 వరకు 12 ‘జన సాధారణ్’ ప్రత్యేక రైళ్లు నడుస్తున్నాయి. వీటికి ముందస్తు రిజర్వేషన్ అవసరం లేదు.

Read this also..Wipro Q3 Results: Profit Dips to Rs.31.2 Billion, But Margins Hit Multi-Year High

ఇదీ చదవండి..ఖజానా నిండుగా.. బకాయిలు మెండుగా: తెలంగాణలో ఆల్కోబెవ్ పరిశ్రమ ఆవేదన..

అనకాపల్లి – చెర్లపల్లి (హైదరాబాద్) మధ్య కూడా ప్రత్యేక రైళ్లు అందుబాటులో ఉన్నాయి.ప్రయాణికులు తమ ఫాస్టాగ్ (FASTag) బ్యాలెన్స్ సరిచూసుకోవాలని, హైవేలపై డ్రోన్ కెమెరాల నిఘా ఉంటుందని పోలీసులు తెలిపారు. ఏవైనా అత్యవసర పరిస్థితుల్లో డయల్ 100 ను సంప్రదించవచ్చు.