షామీర్‌పేటలో హోరెత్తిన ‘సుజుకి మత్సూరి’.. బైక్ ప్రేమికులతో సందడిగా చికేన్ సర్క్యూట్..

365తెలుగు డాట్ కామ్ ఆన్ లైన్ న్యూస్,హైదరాబాద్,జనవరి 29,2026: సుజుకి మోటార్‌సైకిల్ ఇండియా ప్రైవేట్ లిమిటెడ్ (SMIPL) తన ఫ్లాగ్‌షిప్ ఈవెంట్ ‘సుజుకి మత్సూరి’ హైదరాబాద్ ఎడిషన్‌ను అట్టహాసంగా ముగించింది. షామీర్‌పేటలోని చికేన్ సర్క్యూట్ వేదికగా జరిగిన ఈ వేడుకలో సుమారు 3,700 మందికి పైగా రైడర్లు,సుజుకి కస్టమర్లు పాల్గొని సందడి చేశారు.

మోటార్‌సైక్లింగ్ సంస్కృతిని ప్రోత్సహించడం,కస్టమర్లతో నేరుగా మమేకమవ్వడమే లక్ష్యంగా నిర్వహించిన ఈ పండుగలో 13 ప్రత్యేక రైడింగ్ గ్రూపులు తమ వాహనాలతో హాజరయ్యాయి.

కోటి వాహనాల మైలురాయి.. ఎలక్ట్రిక్ యుగంలోకి అడుగు
ఈ వేడుకలో సుజుకి సంస్థ ఒక అరుదైన మైలురాయిని జరుపుకుంది. భారతదేశంలో 10 మిలియన్ల (కోటి) వాహనాల ఉత్పత్తిని పూర్తి చేసుకున్న సందర్భంగా కస్టమర్ల సమక్షంలో సంబరాలు నిర్వహించారు.

లక్కీ కస్టమర్: కోటివ వాహనం (సుజుకి యాక్సెస్) కొనుగోలు చేసిన కస్టమర్‌ను ఈ వేదికపై ప్రత్యేకంగా సన్మానించారు.

సుజుకి e-ACCESS: హైదరాబాద్‌లో తొలి ఎలక్ట్రిక్ సుజుకి e-ACCESS వాహనాన్ని లక్కీ డ్రా విజేతకు అందజేశారు.

టెస్ట్ రైడ్స్: దాదాపు 1,550 మందికి పైగా రైడర్లు సుజుకి వాహనాల పనితీరును ట్రాక్‌పై పరీక్షించారు. వీరిలో 650 మందికి పైగా కొత్త ఎలక్ట్రిక్ స్కూటర్‌ను టెస్ట్ రైడ్ చేయడం గమనార్హం.

Read this also..Suzuki Matsuri Hyderabad Edition Draws Over 3,700 Biking Enthusiasts..

Read this also..BITS Design School Launches Industry-Embedded Practice School Program for Design Students..

సాహసోపేత స్టంట్లు.. సృజనాత్మక వినోదం
హై-స్పీడ్ ట్రాక్ ఈవెంట్లతో పాటు, సందర్శకులను ఆకట్టుకోవడానికి అనేక వినోద కార్యక్రమాలు ఏర్పాటు చేశారు:

స్టంట్ షో: ప్రొఫెషనల్ రైడర్లు సుజుకి హెవీ బైక్‌లపై చేసిన సాహసాలు అందరినీ మంత్రముగ్ధులను చేశాయి.

Read this also..JSW MG Motor India Partners with ‘Incredible India’ for EV Travel Series Season 2..

Read this also..Mahindra Launches XUV 7XO and XEV 9S Electric SUV in Nizamabad..

క్రియేటివ్ జోన్స్: హెల్మెట్ పెయింటింగ్, క్యారికేచర్ ఆర్ట్, టాటూ స్టాల్స్,కాస్ ప్లే ప్రదర్శనలు పండుగ వాతావరణాన్ని నింపాయి.

ఉచిత సర్వీస్: కార్యక్రమానికి వచ్చిన కస్టమర్ల వాహనాలకు ఉచిత సర్వీస్ చెక్-అప్‌లు నిర్వహించారు.

దశాబ్ద కాలంగా సుజుకి యాక్సెస్‌ను ఉపయోగిస్తూ, బ్రాండ్‌పై నమ్మకం ఉంచిన పాత కస్టమర్లను సుజుకి సంస్థ ప్రత్యేకంగా సత్కరించింది. సుజుకి సేల్స్ ,మార్కెటింగ్ వైస్ ప్రెసిడెంట్ దీపక్ ముత్రేజా మాట్లాడుతూ, కస్టమర్ల నమ్మకమే తమ విజయానికి మూలమని, ఇలాంటి కార్యక్రమాలు రైడింగ్ కమ్యూనిటీతో బంధాన్ని మరింత బలపరుస్తాయని తెలిపారు.

సాయంత్రం వేళ త్రీయరీ (Threeory) బ్యాండ్, డీజే కిమ్ , ధార్మిక్ అందించిన సంగీత ప్రదర్శనలు సందర్శకుల్లో సరికొత్త జోష్‌ను నింపాయి.