ఆయుర్వేద ఔషధాల్లో ‘లోహ’ స్వచ్ఛతకు సరికొత్త కొలమానం!

365తెలుగు డాట్ కామ్ ఆన్ లైన్ న్యూస్, జనవరి 17,2026: ఆయుర్వేద, సిద్ధ వైద్యంలో కీలకమైన ‘స్వర్ణ భస్మం’, ‘లోహ భస్మం’ వంటి ఖనిజ ఆధారిత ఔషధాల నాణ్యతను పరీక్షించే విషయంలో సరికొత్త విప్లవం రానుంది. మందుల్లో కలిపే లోహాల మోతాదు ఎంత? అవి ఎంతకాలం ప్రభావవంతంగా పనిచేస్తాయి? అనే అంశాలను ఇప్పుడు అత్యాధునిక ‘హెవీ మెటల్ అనాలిసిస్’ ద్వారా ఖచ్చితంగా లెక్కించవచ్చు. ఇది ఔషధ తయారీ రంగంలో పారదర్శకతను పెంచడమే కాకుండా, అంతర్జాతీయ విపణిలో భారతీయ సాంప్రదాయ మందులకు భరోసా కల్పించనుంది.

ఏమిటీ సాంకేతికత..?

సాధారణంగా ఆయుర్వేద మందుల తయారీలో బంగారం, వెండి, ఇనుము వంటి లోహాలను భస్మం రూపంలో ఉపయోగిస్తారు. అయితే వీటి నాణ్యతను గుర్తించడం ఇప్పటివరకు సవాలుగా ఉండేది.

ఇదీ చదవండి..బీ అలర్ట్..! సంక్రాంతికి వెళ్లిన వాహనదారులకు పోలీసుల కీలక సూచనలు..

ఇదీ చదవండి..రికార్డు స్థాయి రద్దీ : విజయవాడ హైదరాబాద్ నేషనల్ హైవే NH-65.. సరికొత్త రికార్డు..

తాజా పరిశోధనల ప్రకారం..

ఖచ్చితమైన మోతాదు.. ఔషధంలో బంగారం (Gold) లేదా ఇనుము (Iron) ఎంత శాతంలో ఉందో మిల్లీగ్రాముల స్థాయిలో గుర్తించవచ్చు. నానో కణాల విశ్లేషణ.. లోహాలు శరీరానికి హాని చేయని రీతిలో నానో కణాలుగా మారాయా లేదా అన్నది శాస్త్రీయంగా ధ్రువీకరించవచ్చు.
ప్రభావశీలత (Shelf life).. తయారీ తర్వాత ఈ లోహ కణాలు ఎన్ని రోజులు చురుగ్గా ఉంటాయి? వాటి పనితీరు ఎప్పటి వరకు స్థిరంగా ఉంటుందో (Potency) ఖచ్చితంగా తెలుసుకోవచ్చు.

అంతర్జాతీయ విపణిలో కలిసొచ్చే అంశం..

అమెరికా, యూరప్ వంటి దేశాల్లో హెవీ మెటల్స్ (heavy metals) ఉన్న మందులపై కఠిన నిబంధనలు ఉన్నాయి. మన దేశీయ కంపెనీలు ఈ కొత్త పరీక్షా విధానాలను అవలంబించడం వల్ల నాణ్యత ప్రమాణాలు నిరూపితమైతే ఆయుర్వేద ఎగుమతులు గణనీయంగా పెరుగుతాయి. మందు డబ్బాపై లోహాల శాతం, నాణ్యత వివరాలు ఉండటం వల్ల సామాన్యులకు భరోసా లభిస్తుంది. ప్రమాణాలు మెరుగుపడితే హెల్త్ టెక్ (Health-Tech) రంగంలో స్టార్టప్‌లు పెట్టుబడులను ఆకర్షించే అవకాశం ఉంది.

ఇదీ చదవండి..జీర్ణకోశ వైద్యంలో విప్లవం: ఏఐజీలో ‘సెంటర్ ఫర్ మైక్రోబయోమ్ రీసెర్చ్’ ప్రారంభం..

Read this also..Wipro Q3 Results: Profit Dips to Rs.31.2 Billion, But Margins Hit Multi-Year High

నిపుణుల స్పందన..

ఆయుర్వేదానికి ఆధునిక సైన్స్‌ను జోడించడం వల్ల చికిత్సలో ఫలితాలు మెరుగవుతాయి. లోహ భస్మాల పనితీరును సమయంతో సహా అంచనా వేయడం వల్ల రోగులకు సరైన మోతాదును అందించవచ్చని ప్రముఖ ఔషధ విశ్లేషకులు వెల్లడిస్తున్నారు. టెక్నాలజీ సాయంతో సాంప్రదాయ వైద్యం మరింత శాస్త్రీయంగా మారుతోంది. ఇది కేవలం వ్యాపార పరంగానే కాకుండా, ప్రజారోగ్యం దృష్ట్యా కూడా ఒక గొప్ప పరిణామమని వైద్యనిపుణులు అభిప్రాయపడుతున్నారు.