365తెలుగు డాట్ కామ్ ఆన్ లైన్ న్యూస్,తిరుపతి, 2021జూన్ 22: శ్రీ పద్మావతి అమ్మవారి తెప్పోత్సవాలలో మూడ‌వ రోజైన మంగ‌ళ‌వారం అమ్మ‌వారికి అభిషేకం జ‌రిగింది. కోవిడ్‌-19 వ్యాప్తి నేపథ్యంలో ఆల‌యంలో ఏకాంతంగా ఈ ఉత్స‌వాల‌ను నిర్వ‌హిస్తున్నారు. ఉదయం సుప్రభాతంతో అమ్మవారిని మేల్కొలిపి సహస్రనామార్చన, నిత్యార్చన, నిర్వహించారు. మధ్యాహ్నం 2.30 నుండి సాయంత్రం 4 గంటల వరకు శ్రీ పద్మావతి అమ్మవారి ఉత్స‌వ‌ర్ల‌కు అభిషేకం నిర్వహించారు. సాయంత్రం 5 నుండి 6 గంటల వరకు అమ్మ‌వారికి ఊంజ‌ల‌సేవ నిర్వ‌హించ‌నున్నారు.
