365తెలుగు డాట్ కామ్ ఆన్ లైన్ న్యూస్,ఇండియా ,జూన్ 5,2023:సైకిల్ అగరబత్తి నేడు దేశంలో పాపులర్ బ్రాండ్‌గా మారింది. ఈ సంస్థ ఇంత స్థాయికి ఎదగడానికి ఎంతో కృషి చేశారు యజమాని ఎన్.రంగారావు. అహర్నిశలు శ్రమించి 7000 వేల కోట్ల విలువైన కంపెనీగా తీర్చిదిద్దారు.
ఎన్.రంగారావు బాల్యం చాలా పేదరికంతో గడిచింది. చిన్నతనంలో చదువుకోడానికి బిస్కెట్లు అమ్మేవాడు ఎన్ రంగారావు.
ఎన్ రంగారావు 1912లో జన్మించారు. అతను సాధారణ కుటుంబం నుంచి వచ్చాడు. అతని తండ్రి ఉపాధ్యాయుడు, కానీ ఎన్ రంగారావు 6 సంవత్సరాల వయస్సులోనే తన తండ్రి మరణించాడు. అప్పటి నుంచి అతని కుటుంబంలో తండ్రి మరణానంతరం కుటుంబ బాధ్యత అతనిపై పడింది.
అతనికి చదువుపై ఆసక్తి ఉండేది. కానీ అతని ఆర్థిక పరిస్థితి చాలా దారుణంగా ఉంది. ఎన్ రంగారావు పట్టు వదలలేదు, చదువు కొనసాగించేందుకు తన స్కూల్ బయట బిస్కెట్లు అమ్మడం మొదలు పెట్టాడు. బిస్కెట్లు అమ్మగా వచ్చిన డబ్బుతో ఫీజు కట్టడమే కాకుండా మిగిలిన డబ్బును ఇంటి అవసరాలకు ఇచ్చేవాడు.
వ్యాపారం చేయడానికి ఉద్యోగం మానేసాడు..
ఎన్.రంగారావు 1930లో వివాహం చేసుకున్నారు. ఆ తర్వాత ఉద్యోగం వెతుక్కుంటూ అరువ్‌కండు వెళ్లాడు. అక్కడ ఓ ఫ్యాక్టరీలో గుమస్తాగా పనిచేయడం ప్రారంభించాడు. కానీ ఆ ఉద్యోగం నచ్చక 1948లో ఉద్యోగం మానేశాడు. ఆ తర్వాత వ్యాపారం చేయాలని నిర్ణయించుకున్నాడు. ఎన్ రంగారావు వ్యాపారం చేసేందుకు నగలు అమ్మేశాడు. కేవలం 4000 రూపాయలతో వ్యాపారం ప్రారంభించాడు. ఆ తర్వాత వెనుదిరిగి చూసుకోలేదు.
అగరబత్తికి సైకిల్ అని ఎందుకు పేరు పెట్టారు?
సైకిల్ ఎన్ రంగారావు చాలా ఆలోచించి అగర్బత్తి అని పేరు పెట్టారు. నిజానికి అతను వ్యాపారం చేయడం ప్రారంభించినప్పుడు సైకిల్‌పై అగరబత్తులు అమ్మేవాడు. ఇది చాలా సాధారణమైన పేరు, ప్రజలు దానిని సులభంగా అర్థం చేసుకోగలరని అతను నమ్మాడు.
మహిళలకు ఉపాధి కల్పించేందుకు వారి ద్వారా అగరబత్తీలు తయారు చేయించడం మొదలుపెట్టాడు. కంపెనీ పేరుతో ఎన్ ఆర్ గ్రూప్ ను కూడా ప్రారంభించాడు.
1980 సంవత్సరంలో ఎన్ రంగారావు మరణించారు..
ఎన్ రంగారావు 1980 సంవత్సరంలో మరణించాడు. ఆయన మరణం తరువాత, ఆ వ్యాపార వ్యవహారాలు అతని కొడుకులు కొనసాగిస్తున్నారు. ప్రస్తుతం అగరబత్తికి సైకిల్ కంపెనీని వారు కూడా విజయవంతంగా నడుపుతున్నారు.
ఇప్పుడు కంపెనీ వ్యాపారం 7 వేల కోట్ల రూపాయలకు చేరుకుంది. నేడు అతని వ్యాపారం 65 దేశాలలో విస్తరించి ఉంది. అమితాబ్ బచ్చన్, సౌరవ్ గంగూలీ వంటి ప్రముఖులు సైకిల్ అగర్బత్తికి బ్రాండ్ అంబాసిడర్లుగా ఉన్నారు.