365తెలుగు డాట్ కామ్ ఆన్ లైన్ న్యూస్,హైదరాబాద్,జనవరి 23,2026: విభిన్నమైన,విజ్ఞానాత్మకమైన అనుభవాలను (Immersive Experiences) అందించే దేశపు తొలి ఫుల్-స్టాక్ ప్లాట్ఫామ్ ‘ఎలైవ్’ (Alive) హైదరాబాద్లో తన కార్యకలాపాలను విజయవంతంగా విస్తరించింది. 2025 అక్టోబర్లో కార్యకలాపాలు ప్రారంభించిన ఈ ప్లాట్ఫామ్, కేవలం కొన్ని నెలల్లోనే నగరంలో 116 శాతం వృద్ధిని నమోదు చేసి అందరినీ ఆశ్చర్యపరిచింది.
నగరంలోని యువత, సాఫ్ట్వేర్ ఉద్యోగులు రొటీన్ వినోదానికి భిన్నంగా కొత్త నైపుణ్యాలను నేర్చుకోవడానికి, సాహస క్రీడల్లో పాల్గొనడానికి ఆసక్తి చూపుతుండటమే ఈ వృద్ధికి ప్రధాన కారణమని సంస్థ వెల్లడించింది.
హైదరాబాద్లో ఇప్పటికే 16 రకాల వినూత్న కార్యక్రమాలను ఎలైవ్ అందుబాటులోకి తెచ్చింది. వీటిలో ఇప్పటివరకు 2,000 మందికి పైగా పాల్గొన్నారు.
Read this also..Experiential Economy Booms in Hyderabad: ‘Alive’ Records 116% Growth Since Launch..
ఇదీ చదవండి..భారత్లో ‘జీసీసీ’ల విప్లవం: ఏఐ-రెడీ ఇన్ఫ్రాస్ట్రక్చర్తో లెనోవో భారీ వ్యూహం..
టాప్ కేటగిరీలు: అడ్వెంచర్ స్పోర్ట్స్ నగరవాసులను ఎక్కువగా ఆకర్షిస్తున్నాయి.
వినూత్న అనుభవాలు: గుర్రపు స్వారీ నేర్చుకోవడం (Horse Riding), ప్యారామోటరింగ్ (Paramotoring), వుడ్వర్కింగ్ (Woodworking) వంటి ప్రత్యక్ష అనుభవాలకు విశేష స్పందన లభిస్తోంది.
కేవలం వ్యక్తులే కాకుండా, టీమ్ బిల్డింగ్,ఇతర యాక్టివిటీల కోసం 100కు పైగా ఫార్చ్యూన్ 500 కంపెనీలు,స్టార్టప్లు ఎలైవ్ ప్లాట్ఫామ్ను ఆశ్రయించడం విశేషం. సంప్రదాయ టీమ్ ఔటింగ్ల కంటే, నైపుణ్యాధారిత ఔట్డోర్ కార్యక్రమాలపై కార్పొరేట్ రంగం మొగ్గు చూపుతోంది.
Read this also..Lenovo Unveils ‘Full-Stack’ Strategy to Power India’s Growing GCC Ecosystem..
Read this also..Reliance Digital Launches ‘Digital India Sale 2026’..
వచ్చే ఏడాది లక్ష్యం – 100+ అనుభవాలు:
వచ్చే ఆరు నెలల్లో 50 కొత్త కార్యక్రమాలను, ఏడాది పూర్తి అయ్యేలోపు 100కు పైగా ప్రత్యేక అనుభవాలను హైదరాబాద్ వాసులకు అందించాలని ఎలైవ్ లక్ష్యంగా పెట్టుకుంది. ఇందుకోసం హైదరాబాద్ పోలో & రైడింగ్ క్లబ్, చికెన్ సర్క్యూట్ వంటి సంస్థలతో ఒప్పందాలు చేసుకుంది.
“హైదరాబాద్ మాకు అత్యంత ప్రోత్సాహకరమైన మార్కెట్గా నిలిచింది. ఇక్కడి ప్రజల్లో కొత్త విషయాలను తెలుసుకోవాలనే జిజ్ఞాస ఎక్కువగా ఉంది. సంప్రదాయ వినోదానికి భిన్నంగా అర్థవంతమైన అనుభవాల కోసం చూస్తున్న నగరవాసులకు ఎలైవ్ ఒక వేదికగా నిలుస్తుంది.” — వివేక్ కుమార్, ఎలైవ్ వ్యవస్థాపకులు.
ఎక్స్పీరియన్స్ ఎకానమీ రిపోర్ట్ 2025 ముఖ్యాంశాలు:
2024తో పోలిస్తే 2025లో భారతీయులు అనుభవాల కోసం చేసే ఖర్చు 90 రెట్లు పెరిగింది.
55 శాతం మంది యూజర్లు కేవలం వినోదం కోసం కాకుండా, ఏదైనా నేర్చుకునే (Learning-led) అనుభవాల కోసం ఖర్చు చేస్తున్నారు.
బెంగళూరు, గోవాతో పాటు హైదరాబాద్ ఈ ట్రెండ్లో దేశంలోనే టాప్లో ఉంది.