365తెలుగు డాట్ కామ్ ఆన్ లైన్ న్యూస్, అల్వాల్, జూన్ 17,2025 : అల్వాల్‌లోని పల్లవి మోడల్ స్కూల్‌లో జూన్ 17న పాఠశాల వ్యవస్థాపక దినోత్సవ వేడుకలు “దృష్టి సే సిద్ధి తక్” (Vision to Achievement) నినాదంతో అంగరంగ వైభవంగా జరిగాయి. ఈ కార్యక్రమానికి బ్రిగేడియర్ రాజేష్ పానికర్ వి.ఎస్.ఎం. ముఖ్య అతిథిగా హాజరయ్యారు.
వేడుకల్లో భాగంగా విద్యార్థులు తమ సంగీత, నృత్య ప్రదర్శనలతో అందరినీ ఆకట్టుకున్నారు. పాఠశాల ప్రిఫెక్ట్ కౌన్సిల్ అధికార స్వీకార వేడుకలు కన్నుల పండుగగా జరిగాయి. ఈ సందర్భంగా ముఖ్య అతిథి మాట్లాడుతూ, ఈ కార్యక్రమం విద్యార్థుల ప్రతిభ, క్రమశిక్షణ, నిబద్ధతను ప్రతిబింబించిందని కొనియాడారు.
ప్రిన్సిపల్ శ్రీమతి విద్యాధరి రావు గత సంవత్సరం పాఠశాల సాధించిన విజయాలను, ఈ సంవత్సర ప్రణాళికలను వార్షిక నివేదిక రూపంలో వివరించారు. అనంతరం, 2024-25 విద్యా సంవత్సరంలో 10, 12వ తరగతులలో అత్యుత్తమ ఫలితాలు సాధించిన విద్యార్థులను, వారి ఉపాధ్యాయులను పాఠశాల చైర్మన్ కొమరయ్య పురస్కారాలతో సత్కరించారు.
ఇది కూడా చదవండి...జీ7 సదస్సు నుంచి డొనాల్డ్‌ ట్రంప్‌ ఆకస్మిక నిష్క్రమణ.. ప్రధాని మోదీతో భేటీ రద్దు!
Read This also…Centre Issues Gazette Notification on Census: Nationwide Process in Two Phases
విద్యార్థులు అన్ని రంగాలలో బహుముఖ ప్రజ్ఞావంతులుగా ఎదగాలని ఆయన ఈ సందర్భంగా ఉద్బోధించారు. పాఠశాలలో పదేళ్లుగా సేవలందిస్తున్న ఉపాధ్యాయులను కూడా సన్మానించారు.