365తెలుగు డాట్ కామ్ ఆన్ లైన్ న్యూస్, బెంగళూరు, జూన్ 23, 2025: ప్రముఖ ఈ-కామర్స్ సంస్థ అమేజాన్ ఇండియా, ఇప్పుడు ఆరోగ్య రంగంలోకి అడుగుపెట్టింది. తాజాగా ‘అమేజాన్ డయాగ్నోస్టిక్స్’ పేరిట కొత్త అట్-హోమ్ డయాగ్నోస్టిక్ సేవలను ఆరంభించింది. ఈ సేవలు ప్రస్తుతానికి బెంగళూరు, ఢిల్లీ, గురుగ్రామ్, నోయిడా, ముంబయి, హైదరాబాద్ నగరాల్లోని 450కి పైగా పిన్ కోడ్లకు అందుబాటులో ఉన్నాయి.
కస్టమర్లు అమేజాన్ యాప్ ద్వారా 800కి పైగా ఆరోగ్య పరీక్షలను బుక్ చేసుకోవచ్చు. శ్యాంపిల్ సేకరణ 60 నిమిషాల్లోగా ఇంటికే రాగా, సాధారణ పరీక్షల ఫలితాలు 6 గంటల్లోగా డిజిటల్ రిపోర్టుగా అందుతాయి.
ఈ సేవలను ప్రసిద్ధ డయాగ్నోస్టిక్ సేవా సంస్థ ఆరంజ్ హెల్త్ ల్యాబ్స్ సహకారంతో అమేజాన్ అందిస్తోంది. వేచి ఉండాల్సిన అవసరం లేకుండా, నాణ్యతా ప్రమాణాలను పాటిస్తూ, గోప్యతకు అధిక ప్రాధాన్యత ఇస్తూ ఈ సేవలు అందించనున్నట్లు సంస్థ ప్రకటించింది.
అద్భుత ఫీచర్లు:
రియల్ టైం స్లాట్ దొరికే వ్యవస్థ
మ్యాప్ ఆధారిత చిరునామా ధృవీకరణ
అమేజాన్ హెల్త్ డాష్‌బోర్డ్ ద్వారా రిపోర్ట్ యాక్సెస్
ఆటోమేటెడ్ టెస్ట్ రెకమెండేషన్స్
ఈ ఆవిష్కరణపై స్పందిస్తూ అమేజాన్ మెడికల్ క్యాటగిరీ లీడర్ జయరామ్ కృష్ణన్ బాల సుబ్రమణియన్ మాట్లాడుతూ:
“అమేజాన్ డయాగ్నోస్టిక్స్ ద్వారా ఆరోగ్య సంరక్షణ మరింత చేరువగా, నమ్మదగినదిగా మారుతోంది. ఇంటి వద్దే ప్రపంచ స్థాయి ల్యాబ్ సౌకర్యాన్ని అందించడమే మా లక్ష్యం.”
అలాగే, ఆరంజ్ హెల్త్ ల్యాబ్స్ సహ వ్యవస్థాపకుడు ధ్రువ్ గుప్తా మాట్లాడుతూ:
“అమేజాన్ తో భాగస్వామ్యం, మా నాణ్యత, వేగం, విశ్వసనీయతకు మద్దతుగా నిలుస్తుంది. దీని ద్వారా భారతదేశ ప్రజలకు అధునాతన డయాగ్నోస్టిక్స్ సేవలు మరింత చేరువవుతాయి.”
ఒకే యాప్ – సంపూర్ణ ఆరోగ్య సంరక్షణ
‘అమేజాన్ మెడికల్’ ద్వారా టెలికాన్సల్టేషన్, మందుల డెలివరీ, మరియు ల్యాబ్ పరీక్షలు – అన్నీ ఒకే ప్లాట్‌ఫామ్‌లో అందుబాటులో ఉన్నాయి.
అమేజాన్ ఫార్మసీ ద్వారా ప్రిస్క్రిప్షన్ మందులు
అమేజాన్ క్లినిక్ ద్వారా డిజిటల్ డాక్టర్ సంప్రదింపులు
అమేజాన్ డయాగ్నోస్టిక్స్ ద్వారా ఇంటి వద్దే పరీక్షలు
ఈ సేవల సమ్మేళనం ద్వారా, అమేజాన్ ఒక సమగ్ర అవుట్‌పేషంట్ ఆరోగ్య ప్రయాణాన్ని ఒక్కే ఇంటర్‌ఫేస్ ద్వారా అందిస్తోంది.
పరీక్షల వివరాలు, ధరలు, డీల్స్, ఫీచర్లు, రిపోర్టులు వంటి వివరాలు విక్రేతల లేదా వారి భాగస్వాముల ద్వారా పొందినవే. అమేజాన్ వాటిపై ప్రమేయం లేకుండా కేవలం మార్కెట్ ప్లేస్‌ గా వ్యవహరిస్తోంది.