365తెలుగు డాట్ కామ్ ఆన్ లైన్ న్యూస్,ఢిల్లీ ,14 జనవరి, 2023:ఎయిర్ ఇండియా ఫ్లయిట్ లో సీటుపై మూత్ర విసర్జన కేసు మరో కొత్తకోణం బయటపడింది. సీటుపై మూత్ర విసర్జన చేశాడన్న ఆరోపణలతో శంకర్ మిశ్రాపై ఎయిర్ ఇండియా ఫ్లయిట్ కేసు నమోదు చేసి అతన్ని అరెస్టు చేసిన విషయం తెలిసిందే..
ఐతే ఆ మహిళ ప్రతీకారం తీర్చుకునేందుకే శంకర్ మిశ్రాపై ఆరోపణలు చేసిందని, ఆమె తన సీటుపై మూత్ర విసర్జన చేసిందని శంకర్ మిశ్రా తరపు న్యాయవాది కోర్టుకు తెలిపారు. దీనిపై బాధితురాలి వాంగ్మూలం తెరపైకి వచ్చింది.
బాధితురాలు ఆరోపణలు అవాస్తవమని, అవమానకరమని పేర్కొంది. ఎయిరిండియా విమానంలో మద్యం మత్తులో ఉన్న వృద్ధురాలు సీటుపై శంకర్ మిశ్రా మూత్ర విసర్జన చేశాడని ఆరోపించింది.
ఆ తర్వాత శంకర్ మిశ్రాను అరెస్టు చేశారు. ఇప్పుడు ఆ వృద్దురాలే తన సీటుపై మూత్ర విసర్జన చేసిందని శంకర్ మిశ్రా తరపు న్యాయవాది కోర్టుకు తెలిపారు.
బాధితురాలు గత 30 ఏళ్లుగా భరతనాట్యం నృత్యకారిణి అని, ఆమెకు మూత్ర విసర్జన సమస్య రావడం సహజమేనని న్యాయవాది తెలిపారు. శంకర్ మిశ్రా వాదనపై, ఆ వృద్ధురాలు తన లాయర్ ద్వారా ఒక ప్రకటన విడుదల చేసింది.
ఇందులో “పటియాలా హౌస్ కోర్టులో నిందితుల తరపున పరువు నష్టం కలిగించే ఆరోపణలు చేసినట్లు మా దృష్టికి వచ్చింది. ఈ ఆరోపణలు పూర్తిగా తప్పు, చాలా అవమానకరమైనవి.”అని తెలిపింది.
నిందితుడు తన తెలివితక్కువ పనికి పశ్చాత్తాపం చెందకుండా అందుకు బదులు, బాధితురాలిని వేధించడానికి తనపై తప్పుదోవ పట్టించే ప్రచారం చేస్తున్నాడని బాధితురాలు ఆ ప్రకటనలో పేర్కొంది.
ముఖ్యంగా ఎయిర్ ఇండియా కేసులో డీజీసీఏ ఎయిర్ ఇండియాకు షోకాజ్ నోటీసు కూడా జారీ చేసింది. ఈ విషయాన్ని ఎయిర్ ఇండియా తప్పుగా నిర్వహించిందని డీజీసీఏ నోటీసులో పేర్కొంది.
నవంబర్ 26 న, న్యూయార్క్ నుంచి న్యూఢిల్లీకి బయలుదేరిన ఎయిర్ ఇండియా విమానంలో నిందితుడు శంకర్ మిశ్రా ఓ వృద్ధురాలి సీటుపై మూత్ర విసర్జన చేశాడని, వృద్ధురాలు ఆరోపించింది.
ఈ కేసులో బాధితురాలు ఫిర్యాదు చేయడంతో బెంగళూరుకు చెందిన శంకర్ మిశ్రాను పోలీసులు గతంలో అరెస్టు చేశారు. అనంతరం 14 రోజుల జ్యుడీషియల్ కస్టడీకి తరలించారు.