365తెలుగు డాట్ కామ్ ఆన్ లైన్ న్యూస్,ఆంధ్రప్రదేశ్,ఆగష్టు 23,2022: ఆంధ్రప్రదేశ్ స్కూల్ ఎడ్యుకేషన్ డిపార్ట్‌మెంట్ 502 టీచర్ పోస్టులతో డీఎస్సీ లిమిటెడ్ రిక్రూట్‌మెంట్ కోసం నోటిఫికేషన్ విడుదల చేసింది. మొత్తం 502 పోస్టుల్లో జిల్లా పరిషత్‌, మండల పరిషత్‌ పాఠశాలల్లో 199, మోడల్‌ పాఠశాలల్లో 207 పోస్టులు భర్తీ చేయనున్నారు.
అలాగే మున్సిపల్ పాఠశాలల్లో 15 పోస్టుల భర్తీకి చర్యలు తీసుకుంటామన్నా రు. స్పెషల్ ఎడ్యుకేషన్ టీచర్ పోస్టులు 81 ఉన్నాయి. కాగా, డీఎస్సీలో టెట్ మార్కులకు 20 శాతం వెయిటేజీ ఇచ్చారు.
ఆగస్టు 25 నుంచి సెప్టెంబర్ 18 వరకు దరఖాస్తు చేసుకోవాలని ప్రభుత్వం సూచించింది.అయితే ఫీజు చెల్లింపు ఈరోజు ప్రారంభమై సెప్టెంబర్ 27 వరకు కొనసాగుతుంది.అక్టోబర్ 23న పరీక్ష నిర్వహించి నవంబర్ 4న ఫలితాలు వెల్లడిస్తారు.