365తెలుగు డాట్ కామ్ ఆన్ లైన్ న్యూస్,అమరావతి ,డిసెంబర్ 2,2022: ఆంధ్రప్రదేశ్ రాష్ట్రంలోని నిరుద్యోగులకు ప్రభుత్వం మరో శుభవార్త చెప్పింది. రాష్ట్ర ఆరోగ్య శాఖలో స్టాఫ్ నర్స్ పోస్టుల భర్తీకి నోటిఫికేషన్ విడుదల చేసింది.
957 కాంట్రాక్ట్‌ స్టాఫర్‌ పోస్టుల భర్తీకి శుక్రవారం నోటిఫికేషన్ విడుదలైంది. పోస్టుల కోసం దరఖాస్తులను డిసెంబర్ 2 నుండి డిసెంబర్ 8 వరకు స్వీకరిస్తారు. డిసెంబర్ 9 లోపు రీజనల్ డైరెక్టర్ కార్యాలయాలకు సమర్పించాలి.
ఇంకా, మెరిట్ జాబితా ఆధారంగా పోస్టుల భర్తీ ప్రక్రియ జరుగుతుంది. వచ్చిన దరఖాస్తుల తుది మెరిట్ జాబితాను 19న డ్రా చేసి, 20న ఎంపిక జాబితాను విడుదల చేసి, డిసెంబర్ 21, 22 తేదీల్లో కౌన్సెలింగ్, నియామక ఉత్తర్వులు ఇవ్వనున్నారు.
అయితే ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు యుద్ధప్రాతిపదికన పోస్టులను భర్తీ చేస్తామని అధికారులు స్పష్టం చేశారు. జోన్ల వారీగా ఖాళీల వివరాల కోసం అభ్యర్థులు https://cfw.ap.nic.in వెబ్‌సైట్‌ను సందర్శించవచ్చు.