365తెలుగు డాట్ కామ్ ఆన్ లైన్ న్యూస్,అట్లాంటా,సెప్టెంబర్ 2,2023: ఆప్త 15సంవత్సరాల వేడుకలు గ్యాస్ సౌత్ కన్వెన్షన్ సెంటర్ అట్లాంటా మహా నగరంలో ఘనంగా ప్రారంభమయ్యాయి. ఈ వేడుకలకు దేశ, విదేశాల నుంచి తెలుగు రాజకీయ నాయకులు, తెలుగు సినిమా తారలు, పారిశ్రామికవేత్తలు పాల్గొన్నారు.
అమెరికా కాలమానం ప్రకారం శుక్రవారం 6 గంటలకి కర్టెన్ రైజర్ తో వేడుకలు మొదలయ్యాయి. ఈ వేడుకల్లో భాగంగా ప్రధాన దాతలు సుబ్బు కోట, విజయ్ గుడిసెవా , ఉదయభాస్కర్ కొట్టే, శ్రీని బయిరెడ్డి, రావు రెమ్మల, రాజేష్ కళ్లేపల్లి, సూర్య , సత్య తోట తదితురులను సత్కరించారు.
ఈ కార్యక్రమంలో హీరో సాయి ధరమ్ తేజ్,హీరోయిన్ సమంత ప్రభు, ప్రధాన ఆకర్షణగా నిలిచారు. గాయకుడు రఘు కుంచె తన సంగీత విభావరితో ప్రేక్షకులని ఉర్రూతలూగించారు.
ఈ కార్యక్రమంలో మంత్రి బొత్స సత్యనారాయణ, బీజేపీ ఎంపీ బండి సంజయ్, జనసేన పార్టీ ప్రధాన కార్యదర్శి సత్య బోలిశెట్టి , పసుపులేటి హరి ప్రసాద్, రామ్ బండ్రెడ్డి, కళ్యాణ్ దిలీప్ సుంకర, ప్రముఖ సంగీత దర్శకులు కోటి, సినీ గేయ రచయిత అనంత్ శ్రీరామ్ పాల్గొన్నారు. ఆప్త 15 సంవత్సరాల సంబరాలు విందు వినోదాలతోపాటు, ఆట పాటలతో అట్టహాసంగా మొదలయ్యాయి.