365తెలుగు డాట్ కామ్ ఆన్ లైన్ న్యూస్, సెప్టెంబర్ 10,2023: ఉభయ తెలుగు రాష్ట్రాల్లో ఉత్తమ సీడ్ కంపెనీగా వేద సీడ్స్ కు సీడ్స్ మెన్ అసోసియేషన్ అవార్డు ను అందచేసింది. ఆదివారం విజయవాడలోని ఓ ప్రైవేట్ హోటల్ లో సీడ్స్ మెన్ అసోసియేషన్ యాన్యువల్ అవార్డ్స్-2023 కార్యక్రమం జ‌రిగింది.
ఈ సందర్భంగా ఉత్తమ సీడ్ కంపెనీ (Seed Entrepreneur Award-2023) విభాగంలో వేద సీడ్స్ కంపెనీ ఈ అవార్డును అందుకుంది. వేద సీడ్స్ మేనేజింగ్ డైరెక్టర్ డా.పి. చంద్రశేఖర్ గత 30 సంవత్సరాలుగా వ్యవసాయ పరిశోధనలో వారి చేసిన కృషిని అభినందిస్తూ ఎన్ జీ రంగా వ్యవసాయ విశ్వవిద్యాలయం మాజీ వైస్ ఛాన్స్ లర్ డా. విష్ణువర్ధన్ రెడ్డి సత్కరించి ఈ అవార్డును అందచేశారు.
ఈ సందర్భంగా.. డా.చంద్రశేఖర్ మాట్లాడుతూ వేద సీడ్స్ ద్వారా నాణ్యమైన, అధిక దిగుబడులను అందించే హైబ్రిడ్ విత్తనాలను రైతుసోదరులకు అందించడమే లక్ష్యంగా నిరంతరం కృషి చేస్తామని, అవార్డును అందచేసిన సీడ్స్ మెన్ అసోసియేషన్ కు కృతజ్ఞతలు తెలిపారు.
ఈ కార్యక్రమంలో వేద సీడ్స్ ఎగ్జిక్యూటివ్ డైరెక్టర్ తులసి ధర్మచరణ్, తులసి విశ్వంభ‌ర్, వేద సీడ్స్ జనరల్ మేనేజర్ గుడి సతీష్ కుమార్, హెచ్ ఆర్ మేనేజర్ తోటరంగారావు, జీఎం తాయి శ్రీనివాస‌రావు, పీఆర్ఓ ఇక్కుర్తి వెంకటేష్, గాజుల సాయిరాం, తదితరులు పాల్గొన్నారు.