‘సంపూర్ణ శరీర ఆరోగ్యం’ కోసం నోటి సంరక్షణ విప్లవం..!

365తెలుగు డాట్ కామ్ ఆన్ లైన్ న్యూస్,హైదరాబాద్, 29 డిసెంబర్, 2025: సాధారణంగా కొత్త సంవత్సరం అనగానే అందరూ జిమ్ బాట పట్టడం లేదా కఠినమైన డైట్ పాటించడం వంటి తీర్మానాలు (Resolutions) చేసుకుంటారు. అయితే, 2026లో వీటన్నింటికీ మించి “ఓరల్ హెల్త్ రీసెట్” (నోటి ఆరోగ్య పునరుద్ధరణ) అత్యంత కీలకమని ప్రముఖ ప్రజారోగ్య దంత వైద్య నిపుణులు డాక్టర్ సోనియా దత్తా (MDS, PhD) సూచిస్తున్నారు.

శరీరంలోని జీర్ణ ,శ్వాస వ్యవస్థలకు నోరు ఒక ముఖద్వారం లాంటిది. నోరు ఆరోగ్యంగా ఉంటేనే మొత్తం శరీరం ఆరోగ్యంగా ఉంటుందని సమగ్ర ఆరోగ్య పరిశోధనలు వెల్లడిస్తున్నాయి. చాలామంది పోషణ, నిద్రపై చూపే శ్రద్ధను నోటి ఆరోగ్యంపై చూపరని, నొప్పి వస్తే తప్ప డాక్టర్ దగ్గరకు వెళ్లరని ఆమె ఆవేదన వ్యక్తం చేశారు.

నోటి ఆరోగ్యానికి 5 సూత్రాల చెక్‌లిస్ట్
ఈ ఏడాది మీ దైనందిన జీవనశైలిలో మార్పు కోసం నిపుణులు ఈ ఐదు అంశాలను తప్పనిసరి చేశారు:

120 సెకన్ల మంత్రం: రోజుకు రెండుసార్లు, ప్రతిసారీ కనీసం రెండు నిమిషాల పాటు పళ్లు తోముకోవాలి.

జిహ్వ శుద్ధి: కేవలం పళ్లు మాత్రమే కాదు, బ్యాక్టీరియా పేరుకుపోకుండా ప్రతిరోజూ నాలుకను శుభ్రం చేసుకోవాలి.

Read this also: Dr. Sonia Datta Calls for a “Total Body” Oral Wellness Revolution in 2026..

ఇదీ చదవండి :పెట్టుబడిదారులకు షాకిచ్చిన టైమెక్స్ ఇండియా..

ఇదీ చదవండి :భారీ ధరతో బైబ్యాక్ ప్రకటించినా కుప్పకూలిన స్మాల్-క్యాప్ షేరు..

ఇదీ చదవండి :టాటానగర్-ఎర్నాకులం ఎక్స్‌ప్రెస్‌లోని రెండు కోచ్‌లకు మంటలు,ఒకరి మృతి..

ఇంటర్‌డెంటల్ కేర్: బ్రష్ చేరుకోలేని పళ్ల సందుల్లోని మురికిని తొలగించడానికి ‘ఫ్లాసింగ్’ లేదా ప్రత్యేక బ్రష్‌లను వాడాలి.

నీటి సేవనం: నోటిలో లాలాజలం ఉత్పత్తి పెరగడానికి తగినంత నీరు తాగాలి. లాలాజలం నోటికి సహజ రక్షణ కవచంలా పనిచేస్తుంది.

ప్రకృతితో ముడి: ప్రాచీన ఆయుర్వేద మూలికలను మీ నిత్య సంరక్షణలో భాగంగా చేసుకోవాలి.

ఆధునిక ఆయుర్వేదం: 2026 ప్రధాన ట్రెండ్
ప్రస్తుతం రసాయన ఉత్పత్తుల కంటే సహజ సిద్ధమైన ఆయుర్వేద మూలికల వైపు ప్రజలు మొగ్గు చూపుతున్నారు. ముఖ్యంగా మూడు పదార్థాలు నోటి ఆరోగ్యానికి కీలకం:

లవంగ నూనె: ఇది సూక్ష్మక్రిములను నశింపజేసి, పంటి నొప్పి నుంచి ఉపశమనం కలిగిస్తుంది.

పుదీనా: నోటి దుర్వాసనను పోగొట్టి, రోజంతా తాజాగా ఉంచుతుంది.

తోమర్ బీజం: చిగుళ్లను దృఢంగా మార్చడానికి ఇది అద్భుతంగా పనిచేస్తుంది.

క్లినికల్ ధృవీకరణ – నమ్మకమైన ఎంపిక: సంప్రదాయ ఆయుర్వేద విజ్ఞానాన్ని, ఆధునిక సైన్స్‌తో జోడించిన ఉత్పత్తులకు ఆదరణ పెరుగుతోంది. ఉదాహరణకు, ఇండియన్ డెంటల్ అసోసియేషన్ (IDA) గుర్తింపు పొందిన డాబర్ రెడ్ వంటి పేస్ట్‌లు, పైన పేర్కొన్న శక్తివంతమైన మూలికలతో క్లినికల్ పరీక్షల్లోనూ ఉత్తమ ఫలితాలను ఇస్తున్నాయని నిపుణులు పేర్కొంటున్నారు.