365తెలుగు డాట్ కామ్ ఆన్ లైన్ న్యూస్,కొల్లూరు,అక్టోబర్ 15, 2025: తెలంగాణ రాష్ట్ర స్థాయి యోగా పోటీలలో బిర్లా ఓపెన్ మైండ్స్ ఇంటర్నేషనల్ స్కూల్, కొల్లూరు విద్యార్థులు తమ అద్భుత ప్రదర్శనతో మెరిసి, పలు పతకాలను కైవసం చేసుకున్నారు.
ఈ పోటీల్లో విద్యార్థులు అసాధారణ ప్రతిభ కనబరిచి, పాఠశాలకు గొప్ప గౌరవాన్ని తెచ్చిపెట్టారు.
శ్రేష్ఠా విజయం: అండర్-8 బాలికల విభాగంలో శ్రేష్ఠా అద్భుత ప్రదర్శనతో విజేతగా నిలిచింది.
కృతి సంచలనం: అండర్-10 బాలికల విభాగంలో అలాగే అన్ని వయసుల బాలికలు, మహిళలు పాల్గొన్న ఫీమేల్ కేటగిరీలోనూ కృతి విజేతగా నిలిచి సత్తా చాటింది.
ఈ ఘన విజయాల ఫలితంగా బిర్లా ఓపెన్ మైండ్స్ ఇంటర్నేషనల్ స్కూల్, కొల్లూరు ఓవరాల్ ఛాంపియన్‌షిప్ రన్నర్-అప్గా నిలిచింది.
ప్రోత్సాహాన్ని అందించిన స్కూల్ మేనేజ్‌మెంట్:
విద్యార్థులను క్రీడా రంగంలో ప్రోత్సహించడంలో భాగంగా, స్కూల్ మేనేజ్‌మెంట్ క్రీడలు మరియు యోగా కోసం ప్రత్యేకంగా ఒక భవనాన్ని నిర్మించింది. విద్యార్థుల సమర్థవంతమైన శిక్షణకు యోగా టీచర్ మహిపాల్ కృషి ఎంతో దోహదపడింది.
ఈ సందర్భంగా, పాఠశాల యాజమాన్యం మాట్లాడుతూ… ఈ విజయానికి సహకరించిన స్పోర్ట్స్ విభాగాధిపతితో పాటు ఇతర విభాగాధిపతులకు ప్రత్యేక ధన్యవాదాలు తెలియజేశారు. భవిష్యత్తులోనూ విద్యార్థులు ఇలాంటి మరిన్ని విజయాలు సాధించాలని ఆకాంక్షించారు.
ఈ విజయం బిర్లా ఓపెన్ మైండ్స్ ఇంటర్నేషనల్ స్కూల్, కొల్లూరు క్రీడా రంగంలో విద్యార్థులకు ఇస్తున్న ప్రోత్సాహాన్ని, ప్రాధాన్యతను మరోసారి నిరూపించింది.