365తెలుగు డాట్ కామ్ ఆన్ లైన్ న్యూస్,ఢిల్లీ ,మార్చి 31,2023: కేంద్ర ప్రభుత్వం అరుదైన వ్యాధుల చికిత్స మందులు, ఆహార పదార్థాలకు సంబంధించి కీలక నిర్ణయం తీసుకుంది. జాతీయ అరుదైన వ్యాధి పాలసీ 2021 జాబితా కింద ఉన్న అరుదైన వ్యాధుల చికిత్స, ప్రత్యేక వైద్య ప్రయోజనాల కోసం ఆహారం కోసం వ్యక్తిగత ఉపయోగం కోసం దిగుమతి చేసుకున్న అన్ని మందులపై ప్రాథమిక కస్టమ్స్ సుంకాన్ని విధించింది. వీటి నుంచి పూర్తి మినహాయింపు అందించింది కేంద్రం.
ఈ మినహాయింపును పొందేందుకు, వ్యక్తిగత దిగుమతిదారులు కేంద్ర లేదా రాష్ట్ర డైరెక్టర్ హెల్త్ సర్వీసెస్ లేదా జిల్లా వైద్యాధికారి, సివిల్ సర్జన్ నుంచి సర్టిఫికేట్‌ను సమర్పించాలి. మందులు,ఔషధాలు సాధారణంగా 10శాతం ప్రాథమిక కస్టమ్స్ డ్యూటీఉంటుంది, అయితే కొన్ని రకాల ప్రాణాలను రక్షించే మందులు,వ్యాక్సిన్‌లు 5శాతంతగ్గింపు ఉంటుంది.
వెన్నెముక కండరాల క్షీణత లేదా కండరాల బలహీనత చికిత్స కోసం పేర్కొన్న మందులు ఇప్పటికే మినహాయించగా.. ఇతర అరుదైన వ్యాధుల చికిత్సలో ఉపయోగించే మందులకు కస్టమ్స్ సుంకం ఉపశమనం కోరుతూ ప్రభుత్వానికి అనేక ఫిర్యాదులు అందడంతో కేంద్రం ఈ నిర్ణయం తీసుకుంది.
అరుదైన వ్యాధుల చికిత్సకు అవసరమైన మందులు లేదా ప్రత్యేక ఆహారాలు ఖరీదైనవి, దిగుమతి చేసుకోవాల్సిన అవసరం ఉంటుంది. 10 కిలోల బరువున్న పిల్లలకు, కొన్ని అరుదైన వ్యాధుల చికిత్సకు సంవత్సరానికి రూ. 10 లక్షల నుంచి రూ. 1 కోటి వరకు ఖర్చు అవుతుందని అంచనా వేస్తున్నారు, జీవితకాల చికిత్స, ఔషధ మోతాదు, వయస్సు, బరువును బట్టి ఖర్చుపెరుగుతోంది.
ఈ మినహాయింపు వలన గణనీయమైన ఖర్చు ఆదా అవుతుంది. తద్వారా రోగులకు అవసరమైన ఉపశమనం లభిస్తుంది. వివిధ రకాల క్యాన్సర్‌ల చికిత్సలో ఉపయోగించే పెంబ్రోలిజుమాబ్ ను ప్రాథమిక కస్టమ్స్ సుంకం నుంచి ప్రభుత్వం పూర్తిగా మినహాయించింది.