365తెలుగు డాట్ కామ్ ఆన్ లైన్ న్యూస్,హైదరాబాద్, ఆగస్టు 22, 2025: ఐటి రంగంలో అగ్రగామి సంస్థ కాగ్నిజెంట్ (NASDAQ: CTSH) మరో అరుదైన ఘనత సాధించింది. ఆన్‌లైన్ జెనరేటివ్ AI హ్యాకథాన్లో అత్యధిక మంది పాల్గొన్నందుకు గాను గిన్నిస్ వరల్డ్ రికార్డ్స్™ టైటిల్‌ను సొంతం చేసుకుంది.
10 రోజులపాటు జరిగిన “వైబ్ కోడింగ్” ఈవెంట్‌లో 40 దేశాలకు చెందిన 53,199 మంది కాగ్నిజెంట్ అసోసియేట్లు పాల్గొని చరిత్ర సృష్టించారు. ఈ ఈవెంట్ ఉద్దేశ్యం ఆవిష్కరణలను అందరికీ చేరువ చేయడం, అలాగే పెద్దఎత్తున AI పరిజ్ఞానాన్ని నిర్మించడం.
🔹 రికార్డు ధృవీకరణ: గిన్నిస్ వరల్డ్ రికార్డ్స్ అధికారిక న్యాయనిర్ణేత ఈ రికార్డును ధృవీకరించారు.
🔹 అద్భుత ఫలితాలు: 30,601 ఆలోచనలు,వర్కింగ్ ప్రోటోటైప్స్‌ను అసోసియేట్లు సమర్పించారు. HR వెల్‌నెస్ యాప్‌ నుంచి మార్కెటింగ్ కోసం బ్రాండ్ చెకింగ్ టూల్ వరకు అనేక వినూత్న ప్రాజెక్టులు రూపొందించారు.
ఈ ఈవెంట్‌లో HR, Sales, Engineering, Finance, Legal, Marketing, Delivery వంటి విభాగాలకు చెందిన ఉద్యోగులు ప్రత్యక్షంగా AI టూల్స్‌తో పనిచేసి తమ ప్రతిభను ప్రదర్శించారు. దీనికోసం ప్రత్యేకంగా “వైబ్ కోడింగ్ హబ్”ను కూడా రూపొందించారు, ఇది లవబుల్, విండ్సర్ఫ్, కర్సర్, జెమినీ కోడ్ అసిస్ట్, గిట్‌హబ్ కోపైలట్ వంటి భాగస్వామ్య ప్లాట్‌ఫారమ్‌లను కలిపింది.
వైబ్ కోడింగ్ అంటే ఏమిటి?
ప్రఖ్యాత AI పరిశోధకుడు ఆండ్రెజ్ కార్పతీ పరిచయం చేసిన “వైబ్ కోడింగ్” అనేది AI ఆధారిత ప్రోగ్రామింగ్ విధానం. ఇక్కడ డెవలపర్లు కోడ్ రాయకుండా, తమ ఆలోచనలను సహజ భాషలో వర్ణిస్తారు. ఆ ఆలోచనలను AI టూల్స్ పనిచేసే సాఫ్ట్‌వేర్‌గా మార్చుతాయి. దీంతో ఎవరైనా సులభంగా కొత్త యాప్‌లు, ప్రోటోటైప్స్ రూపొందించగలరు.
కాగ్నిజెంట్ CEO రవి కుమార్ ఎస్. మాట్లాడుతూ –
“వైబ్ కోడింగ్ కేవలం ప్రపంచ రికార్డు సృష్టించడమే కాదు, AI ఆర్థిక వ్యవస్థలో భవిష్యత్తుకు పునాది వేస్తోంది. మేము AIతో ప్రతి ఒక్కరూ ఆవిష్కరణ చేయగల workforceని నిర్మిస్తున్నాం. ఈ ప్లాట్‌ఫారమ్ ద్వారా సృజనాత్మకతకు కొత్త తలుపులు తెరవబడ్డాయి” అని అన్నారు.
భాగస్వామ్య సంస్థలు:
గిట్‌హబ్ కోపైలట్ వైస్ ప్రెసిడెంట్ షారిన్ నేపియర్ మాట్లాడుతూ – “ఈ ఈవెంట్‌తో సాఫ్ట్‌వేర్ నిర్మాణం వేగవంతం అవుతోంది, టీమ్స్ ఆలోచనల వేగంతో innovate చేయగలుగుతున్నాయి” అన్నారు.
ఇది కూడా చదవండి…“తెలుగులోకి వస్తున్న కోర్ట్ రూమ్ థ్రిల్లర్ – J.S.K: జానకి V/s స్టేట్ ఆఫ్ కేరళ”..
లవబుల్ CEO ఆంటోన్ ఒసికా వ్యాఖ్యానిస్తూ – “ఇది కేవలం హ్యాకథాన్ కాదు, భవిష్యత్ పనివిధానానికి ఒక rehearsal” అన్నారు.
కర్సర్ CEO మైఖేల్ ట్రూయెల్ మాట్లాడుతూ – “కర్సర్, కాగ్నిజెంట్ అసోసియేట్లకు టాప్‌ ఎంపిక కావడం గర్వకారణం” అన్నారు.