365తెలుగు డాట్ కామ్ ఆన్ లైన్ న్యూస్,హైదరాబాద్,ఏప్రిల్ 16,2023: డా. అంబేద్కర్ గొప్ప మానవతా వాదని లయన్స్ జిల్లా గవర్నర్ లయన్ జూలూరి రఘు అన్నారు. నవభారత లయన్స్ క్లబ్ ఆధ్వర్యంలో డా.బి.ఆర్. అంబేద్కర్ జయంతి వేడుకలను ఘనంగా నిర్వహించారు.
ఈసందర్భంగా లయన్స్ జిల్లా గవర్నర్ లయన్ జూలూరి రఘు మాట్లాడుతూ డా .అంబేద్కర్ భారతీయుల గుండెల్లో ఎప్పటికీ నిలిచిపోయే మహనీయుడని చెప్పారు.
అందరికీ స్వేచ్ఛ, సమానత్వం, ఉండాలని అంబేద్కర్ ఎంతో కృషి చేశారన్నారు. అంటరానితనాన్ని వ్యతిరేకిస్తూ..దళితుల, మహిళల, కార్మికుల హక్కుల కోసం అలుపెరుగని పోరాటం చేసిన యోధుడు అంబేద్కర్ అని ఆయన వెల్లడించారు. ప్రముఖ సైకో థెరపిస్ట్, హిప్నో థెరపీస్ట్ డా.హిప్నో పద్మా కమలాకర్ ను ఈ సందర్భంగా ఘనంగా సన్మానించారు.
ఈ కార్యక్రమంలో రీజనల్ చైర్ పర్సన్ యాదయ్య గౌడ్, రామ్ ప్రసాద్, జె.టి.విద్యాసాగర్, నవభారత క్లబ్ అధ్యక్షుడు సి.హెచ్.గోపాలకృష్ణ, లయన్ బి.వినయ్, లయన్ డా.హిప్నో పద్మా కమలాకర్, లయన్ పి.స్వరూపా రాణి, లయన్ జి.కృష్ణ వేణి, హర్ష, గీత, వాణి, సుజాత పాల్గొన్నారు.