365తెలుగు డాట్ కామ్ ఆన్ లైన్ న్యూస్,హైదరాబాద్‌,మార్చి 16,2024: బీఆర్‌ఎస్‌ శాసనసభ్యురాలు కే కవితను మార్చి 23 వరకు ఎన్‌ఫోర్స్‌మెంట్‌ డైరెక్టరేట్‌ (ఈడీ) కస్టడీకి అప్పగించాలని ఢిల్లీ ప్రత్యేక న్యాయమూర్తి ఎంకే నాపాల్‌ ఆదేశించారు.
మనీలాండరింగ్ నిరోధక చట్టం (పీఎంఎల్‌ఏ) నిబంధనల ప్రకారం ఢిల్లీ లిక్కర్ పాలసీ కేసులో కవితను శుక్రవారం హైదరాబాద్‌లో ఈడీ అధికారులు అరెస్ట్ చేసి ఢిల్లీకి తరలించారు.
కవితను ప్రశ్నించడానికి పది రోజుల కస్టడీకి ఇడి కోరింది, అయితే కోర్టు ఏడు రోజుల కస్టడీని కేంద్ర ఏజెన్సీకి ఇచ్చింది.
కవిత తరపు న్యాయవాది అభ్యర్థన మేరకు, ఆమె కుటుంబ సభ్యులను కలవడానికి, ఆమె స్వంత ఆహారం, మందులు పొందడానికి కోర్టు అనుమతించింది.