365తెలుగు డాట్ కామ్ ఆన్ లైన్ న్యూస్,హైదరాబాద్‌, మార్చి 20,2025: భారతీయ క్రీడాభిమానులకు మరింత వినోదాన్ని అందించేందుకు టాటా ప్లే, ఫ్యాన్‌కోడ్‌తో కొత్త భాగస్వామ్యాన్ని ప్రకటించింది. ఈ ఒప్పందంతో టాటా ప్లే డైరెక్ట్-టు-హోమ్ (DTH) ,స్ట్రీమింగ్ సబ్‌స్క్రైబర్‌లు క్రీడా ప్రపంచంలోని యాక్షన్ ప్యాక్డ్ కవరేజీని ఎంజాయ్ చేయనున్నారు.
ప్రత్యేక క్రీడా చానల్ – ‘టాటా ప్లే ఫ్యాన్‌కోడ్ స్పోర్ట్స్’
ఈ భాగస్వామ్యంతో ఫార్ములా 1తో పాటు క్రికెట్, ఫుట్‌బాల్, కబడ్డీ, గోల్ఫ్, మోటార్‌స్పోర్ట్స్‌ వంటి పలు క్రీడల లైవ్ కవరేజీ అందుబాటులోకి రానుంది. టాటా ప్లే ఫ్యాన్‌కోడ్ స్పోర్ట్స్ పేరిట కొత్తగా అందుబాటులోకి వచ్చిన ఈ ప్లాట్‌ఫామ్ నెలకు 100 గంటలకు పైగా లైవ్ కంటెంట్ ప్రసారం చేయనుంది.
Read this also…Tata Play and FanCode Launch ‘Tata Play FanCode Sports’ to Bring 24/7 Live Sports Action to Indian Fans
ఇది కూడా చదవండి…సునీతా విలియమ్స్ ప్రయాణం ఎలా జరిగిందో తెలుసా..?
ఈ చానల్ ప్రత్యేకంగా ఫార్ములా 1 కంటెంట్‌ను కూడా ప్రసారం చేయనుంది. 24 గ్రాండ్ ప్రిక్స్ వీకెండ్స్‌లో జరుగనున్న రేసులను వీక్షకులు ప్రత్యక్షంగా ఆస్వాదించొచ్చు. లూయిస్ హామిల్టన్ ఫెరారీ జట్టులో అరంగేట్రం, మాక్స్ వెర్ట్సాపెన్ పోరాటం లాంటి అనేక ఆసక్తికర క్రీడా ఘట్టాలను వీక్షించేందుకు ఇది వేదిక కానుంది.
అగ్రశ్రేణి క్రీడా టోర్నమెంట్ల ప్రసారం
కేవలం ఫార్ములా 1 మాత్రమే కాకుండా, క్రిస్టియానో రొనాల్డో, కైలియన్ ఎంబాప్పే, లియోనెల్ మెస్సీ, మొహమ్మద్ సలా, పాట్ కమ్మిన్స్, కగిసో రబాడా వంటి దిగ్గజ ఆటగాళ్ల పోటీలు కూడా ప్రసారం కానున్నాయి. కారాబావో కప్, కోపా డెల్ రే, కాన్కాకాఫ్ ఛాంపియన్స్ కప్, అంతర్జాతీయ T20 లీగ్‌లు, ఆసీస్ వెస్టిండీస్ సిరీస్ లాంటి ప్రతిష్టాత్మక టోర్నమెంట్లకు ఈ ప్లాట్‌ఫామ్ ఆతిథ్యం ఇస్తుంది.
టాటా ప్లే – ఫ్యాన్‌కోడ్ ప్రకటన
ఈ భాగస్వామ్యం గురించి టాటా ప్లే చీఫ్ కమర్షియల్ అండ్ కంటెంట్ ఆఫీసర్ పల్లవి పూరి మాట్లాడుతూ -“ఫ్యాన్‌కోడ్‌తో మేము భాగస్వామ్యాన్ని విస్తరించడంపై ఉత్సాహంగా ఉన్నాం. క్రికెట్, ఫుట్‌బాల్, ఫార్ములా 1, పీజీఏ టూర్ వంటి క్రీడలకు సంబంధించి అత్యుత్తమ కంటెంట్‌ను అందించేందుకు మేము కట్టుబడి ఉన్నాం.” అని తెలిపారు.
ఇది కూడా చదవండి…మలయాళ ఇండస్ట్రీలో సరికొత్త రికార్డు: ఐమ్యాక్స్ ట్రైలర్‌తో వస్తున్న ‘L2E: ఎంపురాన్’!
Read this also…“L2E: Empuraan” – First Malayalam Film with IMAX® Trailer Launch..!
ఫ్యాన్‌కోడ్ సహవ్యవస్థాపకుడు యానిక్ కోలాకో మాట్లాడుతూ –“టాటా ప్లే బింజ్‌లో విజయవంతమైన భాగస్వామ్యం తర్వాత, ఇప్పుడు మరింత మందికి మా కంటెంట్‌ను చేరువ చేసేందుకు ఈ కొత్త ఒప్పందంతో ముందుకు వెళ్లడం ఆనందంగా ఉంది” అని అన్నారు.
ఈ కొత్త టాటా ప్లే ఫ్యాన్‌కోడ్ స్పోర్ట్స్ చానల్ EPG నం. 485లో అందుబాటులో ఉంటుంది. టాటా ప్లే మొబైల్ యాప్ ద్వారా కూడా వీక్షించవచ్చు. ఈ సేవను నెలకు రూ.75 చెల్లించి పొందవచ్చు.
టాటా ప్లే వినోదం, ఇన్ఫోటైన్‌మెంట్, కిడ్స్ లెర్నింగ్, భక్తి తదితర విభాగాల్లో కూడా వినూత్న కంటెంట్ అందించేందుకు ప్లాన్ చేస్తోంది. మరిన్ని వివరాలకు Tata Play Specials వెబ్‌సైట్‌ను సందర్శించండి.