365తెలుగు డాట్ కామ్ ఆన్ లైన్ న్యూస్, చెన్నై,సెప్టెంబర్ 28,2023: భారతదేశంలో హరిత విప్లవ పితామహుడు, విజనరీ సైంటిస్ట్ డాక్టర్ మంకొంబు సాంబశివన్ స్వామినాథన్ గురువారం ఉదయం కన్నుమూశారు.
ఎంఎస్ స్వామినాథన్(98)పద్మభూషణ్ అవార్డు గ్రహీత, సంవత్సరాల వయస్సులో చెన్నైలో కన్నుమూశారు.
డాక్టర్ స్వామినాథన్ మేనల్లుడు, రాజీవ్ మాట్లాడుతూ, “ఆయన ఈరోజు ఉదయం 11.15 గంటలకు తుది శ్వాస విడిచారు. అతను గత 15 రోజులుగా ఆరోగ్యం బాగోలేదు” అని చెప్పారు.
1925 ఆగస్టు 7న తమిళనాడులోని కుంభకోణంలో జన్మించిన డాక్టర్ స్వామినాథన్ అక్కడే పాఠశాల విద్యను అభ్యసించారు. అతని తండ్రి ఎం.కె. సాంబశివన్, వైద్యుడు, తల్లి పార్వతి తంగమ్మాళ్.
తిరువనంతపురంలోని యూనివర్శిటీ కళాశాల నుంచి తరువాత కోయంబత్తూరులోని వ్యవసాయ కళాశాల (తమిళనాడు వ్యవసాయ విశ్వవిద్యాలయం) నుంచి గ్రాడ్యుయేషన్ పూర్తి చేశాడు.
హరిత విప్లవం విజయవంతం కావడానికి దేశంలోని ఇద్దరు వ్యవసాయ మంత్రులు సి.సుబ్రమణియన్, జగ్జీవన్ రామ్‌లతో కలిసి పనిచేశారు.
హరిత విప్లవం అనేది రసాయన-జీవ సాంకేతిక పరిజ్ఞానాన్ని స్వీకరించడం ద్వారా బియ్యం, గోధుమల ఉత్పత్తిలో భారీ వృద్ధికి మార్గం సుగమం చేసిన కార్యక్రమం.
డాక్టర్ స్వామినాథన్ 2007 నుంచి 2013 వరకు రాజ్యసభ సభ్యుడు గా పనిచేశారు. భారతదేశంలో వ్యవసాయం, వ్యవసాయానికి సంబంధించిన అనేక సమస్యలను లేవనెత్తడమేకాకుండా వ్యవసాయరంగంలో సరికొత్త సంస్కరణలను ప్రవేశ పెట్టారు.
ఆయన చెన్నైలో ఎంఎస్. స్వామినాథన్ రీసెర్చ్ ఫౌండేషన్‌ను స్థాపించిన తర్వాత 1987లో మొదటి ప్రపంచ ఆహార బహుమతిని అందుకున్నాడు.
ఎంఎస్. స్వామినాథన్ మృతి పట్ల తమిళనాడు ముఖ్యమంత్రి ఎంకే స్టాలిన్ తోపాటు తెలంగాణ, ఆంధ్రప్రదేశ్ సీఎం లు కేసీఆర్,జగన్ లు సంతాపం తెలిపారు.