365తెలుగు డాట్ కామ్ ఆన్ లైన్ న్యూస్,హైదరాబాద్, మార్చి 19,2025: భారతీయ సంస్కృతిలో గోవుకు ఉన్న విశిష్ట స్థానం గురించి ప్రజల్లో అవగాహన పెంచేందుకు దేశవ్యాప్తంగా పర్యటిస్తున్న శ్రద్ధే గోపాల్ సరస్వతీజీ దీదీజీ, ఐఏఎస్ అభ్యర్థిగా ఉన్నప్పటికీ గౌ ప్రేమి, ప్రచారకురాలిగా మారారు. “గోవు లేని ఇల్లు ప్రియమైన వారు లేని ఇల్లు లాంటిది” అని ఆమె వ్యాఖ్యానించారు.
హరే కృష్ణ గోల్డెన్ టెంపుల్, బంజారాహిల్స్‌లో మార్చి 21వరకు ‘గౌ కథ’ పేరుతో ఐదు రోజుల పాటు ఆధ్యాత్మిక ప్రవచనాలను ఆమె నిర్వహిస్తున్నారు. భారతీయ వేదాలు, పురాణాలు గోవుల సంరక్షనను నొక్కిచెప్పిన విషయాలను ప్రస్తావిస్తూ, గోరక్షణపై ప్రత్యేకంగా చర్చించనున్నారు.
ఇది కూడా చదవండి…వాట్సాప్ హ్యాక్ అయిందా..? ఈ సంకేతాలు కనిపిస్తే వెంటనే జాగ్రత్త పడండి..!
Read this also…OPPO India builds on the popularity of F Series with the highly-anticipated F29 Series
గోసంరక్షణపై శ్రద్ధే గోపాల్ సందేశం
29 ఏళ్ల శ్రద్ధే గోపాల్ సరస్వతీజీ మధ్యప్రదేశ్‌లోని ఇండోర్‌కు చెందినవారు. ధ్యాన్ ఫౌండేషన్ ఆహ్వానం మేరకు నగరానికి వచ్చిన ఆమె, శంషాబాద్‌లోని ధ్యాన్ ఫౌండేషన్ గోశాలను సందర్శించి, అక్కడ ఉన్న 3,000 పైగా రక్షిత గోవుల పరిస్థితిని సమీక్షించారు.
“బ్రిటీషర్లు భారతదేశాన్ని ఆక్రమించే ముందు 80 కోట్ల ఆవులు దేశంలో ఉండేవి. ఇప్పుడు ఆ సంఖ్య 9 కోట్లకు పడిపోయింది. భారతీయ సంప్రదాయాల్లో గో సంరక్షణకు ఎంతో ప్రాముఖ్యత ఉంది. కానీ, బ్రిటీష్ పాలన తర్వాత గౌ కథలు కనుమరుగయ్యాయి” అని ఆమె తెలిపారు.
కేంద్ర స్థాయిలో గోరక్షణ చట్టం అవసరం
ఆవును సంరక్షించే చట్టం దేశవ్యాప్తంగా అమలవ్వాలని ఆమె డిమాండ్ చేశారు. “రాజస్థాన్, హర్యానా, మధ్యప్రదేశ్, ఉత్తరప్రదేశ్ రాష్ట్రాల్లో గోరక్షణకు ప్రత్యేక చట్టాలు ఉన్నా, అవి సమర్థవంతంగా అమలు కావడం లేదు. కేంద్ర స్థాయిలో గో సంరక్షణ చట్టం తీసుకురావాలి” అని ఆమె పేర్కొన్నారు.
“శ్రీకృష్ణుడు తన బాల్యంలో గోవులను కాస్తూ పెరిగారు. గోవుల మధ్య తన వేణువును వాయిస్తూ, గోపికలతో కలిసి నృత్యం చేసేవాడు. ఆయనను గోవింద, గోపాల అనే పేర్లతో పిలిచేవారు, అంటే గోవుల రక్షకుడు” అని శ్రద్ధే గోపాల్ సరస్వతీజీ వివరించారు.
Read this also…APTA North Central Women’s Day & JanaSena 11th Anniversary Celebrations: A Night of Empowerment and Joy
ఇది కూడా చదవండి…హైదరాబాద్‌లో నొబెరో మొట్టమొదటి ఎక్స్‌క్లూజివ్ స్టోర్ ప్రారంభం..!
ఆవుపాలు, పెరుగు, మజ్జిగ, నెయ్యి ఆరోగ్యానికి ఎంతో మేలని ఆమె తెలిపారు. “ఆవు పేడను పొదుపుగా ఉపయోగించి, ఇంధనంగా మార్చవచ్చు. ఇది మట్టి గోడలను ఇన్సులేట్ చేయడంతో పాటు, అద్భుతమైన ఎరువుగా కూడా ఉపయోగపడుతుంది. శాస్త్రీయంగా గో పేడను హోమాల్లో ఉపయోగిస్తే, గాలిని శుద్ధి చేసే లక్షణాలు ఉన్నాయని నిరూపితమైంది” అని వివరించారు.
గోసంరక్షణకు ధ్యాన్ ఫౌండేషన్ కృషి
ధ్యాన్ ఫౌండేషన్ దేశవ్యాప్తంగా 47 గోశాలలను నిర్వహిస్తోంది. ప్రస్తుతం 70,000 పైగా గోవులను కసాయి ఖానాల నుంచి రక్షించి సంరక్షిస్తోంది. బోర్డర్ సెక్యూరిటీ ఫోర్స్‌తో కలిసి ఇండో-బంగ్లాదేశ్ సరిహద్దు వద్ద అక్రమంగా తరలించబడుతున్న ఆవులను రక్షించి, వాటికి ఆశ్రయం కల్పిస్తోంది.
“గో సంరక్షణ కోసం ప్రతి ఒక్కరూ ముందుకు రావాలి. గోవుల ఉనికిని కాపాడే దిశగా గో కథల ద్వారా ప్రజల్లో అవగాహన పెంచడమే నా లక్ష్యం” అని శ్రద్ధే గోపాల్ సరస్వతీజీ అన్నారు.