మహానవమి రోజు ఆయుధ పూజ ఎందుకు చేస్తారంటే..?

365తెలుగు డాట్ కామ్ ఆన్ లైన్ న్యూస్, హైదరాబాద్ ,అక్టోబర్ 4, 2022: దుర్గాదేవి తొమ్మిది రాత్రుల యుద్ధం తర్వాత మహిషాసురుడిని చంపిందని నమ్ముతారు. చెడుపై మంచి సాధించిన విజయానికి గుర్తుగా మహా నవమి తర్వాత మరుసటి రోజు విజయదశమిగా జరుపుకుంటారు. శరద్ నవరాత్రి 2022 తొమ్మిది రోజుల పండుగ సందర్భంగా భక్తులు దుర్గా దేవి మొత్తం తొమ్మిది రూపాలను పూజిస్తారు. నవమి నాడు, దేవతను మహిషాసురమర్దినిగా పూజిస్తారు.

మహా నవమి హిందూ క్యాలెండర్ నెల అశ్విన్‌లో శుక్ల పక్షం తొమ్మిదవ రోజున జరుపుకుంటారు. ఇది విజయదశమి దుర్గా విసర్జనకు ముందు దుర్గా పూజ చివరి రోజుగా జరుపుకుంటారు.

ఆయుధ పూజ

ఆయుధ పూజను శాస్త్ర పూజ లేదా అస్త్ర పూజ అని కూడా పిలుస్తారు. ఆయుధ పూజను నవమి తిథి నాడు చేస్తారు. చారిత్రాత్మకంగా ఆయుధాలను పూజిస్తారు. క్రమంగా ఈ ఆయుధ పూజా కాస్తక వాహన పూజగా మారింది. తమ వాహనాలకు పూల దండలు వేసి కుంకుమ, పసుపు చల్లి కొబ్బరి కాయ కొట్టి వాహన పూజ చేస్తారు. దక్షిణ భారతదేశంలో, కళాకారులు తమ పనిముట్లను,వాయిద్యాలను పూజిస్తారు.

మహిషాసురమర్ధిని శ్లోకం:

అయిగిరి నందిని నందిత మేదిని విశ్వ వినోదిని నందినుతే |
గిరివర వింధ్య శిరోధిని వాసిని విష్ణు విలాసిని జిష్ణునుతే ||

భగవతి హేశితి కంఠ కుటుంబిని భూరి కుటుంబిని భూరికృతే |
జయ జయ హే మహిషాసురమర్దిని రమ్యకపర్దిని శైలసుతే

సురవర వర్షిణి దుర్దర ధర్షిణి దుర్ముఖ మర్షిణి హర్షరతే |
త్రిభువన పోషిణి శంకర తోషిణి కల్మష మోచని ఘోరరతే ||

దనుజని రోషిణి దుర్మద శోషిణి దుఃఖ నివారిణి సింధుసుతే |
జయ జయ హే మహిషాసురమర్దిని రమ్యకపర్దిని శైలసుతే

అయి జగదంబ కదంబవన ప్రియవాసవిలాసిని వాసరతే |
శిఖరిశిరోమణి తుంగహిమాలయశృంగ నిజాలయ మధ్యగతే ||

మధుమధురే మధుకైటభభంజని కైటభభంజని రాసర తే |
జయ జయ హే మహిషాసురమర్దిని రమ్యకపర్దిని శైలసుతే

మహా నవమి

మహా నవమి ముందు రోజున నవమి తిథి ప్రారంభ సమయాన్ని బట్టి, అష్టమి తిథిలో కూడా మహా నవమి పూజ మరియు ఉపవాసాలు చేయవచ్చు. అష్టమి తిథి నాడు సన్యాకాలానికి ముందు అష్టమి, నవమి కలిసి పోతే అదే రోజు సంధిపూజతో సహా అష్టమి పూజ, నవమి పూజలు జరుపుకోవాలన్నది నియమం. అష్టమి తిథి ముగిసి నవమి తిథి ప్రారంభమైనప్పుడు సంధి పూజ చేస్తారు. మహాస్నానం , షోడశోపచార పూజతో మహా నవమి ప్రారంభం అవుతుంది. దుర్గా పూజ సమయంలో ఒక ముఖ్యమైన ఆచారం నవమి హోమం. ఇది నవమి పూజ ముగింపులో నిర్వహిస్తారు.

మహా నవమి ఇంపార్టెన్స్..

ఈ శుభ సందర్భంలో, శక్తిని మహిషాసురమర్దినిగా పూజిస్తారు. మహిషా సురుడిని ఓడించడానికి ఒక రోజు ముందు వచ్చే దానిని నవమి చివరి రోజు అని నమ్ముతారు. అందుకే మహా నవమి కొత్త ప్రారంభానికి ముందురోజు అని నమ్ముతారు. దుర్గాదేవి కైలాస పర్బత్ నుండి భూమిని సందర్శిస్తుందని విశ్వసించే సమయం కూడా ఇదే కాబట్టి, మహిషాసురమర్దిని జరుపుకోవడానికి భక్తులు దుర్గా విగ్రహాలను పండాలలో పూజించడం మరియు విందులు చేయడం ద్వారా అమ్మవారిని అత్యంత ఉత్సాహంతో స్వాగతించడానికి సిద్ధమవుతారు.

మహానవమి పూజ

దేశంలోని అనేక ప్రాంతాల్లో అష్టమి మరియు నవమి నాడు కన్యాపూజను జరుపుకుంటారు. తొమ్మిది మంది చిన్నారులను దుర్గామాత తొమ్మిది రూపాలుగా పూజిస్తారు. వారి పాదాలను కడిగి వారికి కొత్త బట్టలు అందజేస్తారు.

దుర్గా దేవి పూజ రోజు..

దుర్గా పూజ వేడుకలలో మూడవ రోజు మహా నవమి నాడు భక్తులు ఉదయం స్నానం చేసి షోడశోపచార పూజను 16 దశల్లో చేస్తారు. దుర్గాను ఆహ్వానించ డానికి ధ్యానం, ఆవాహనతో పూజ ప్రారంభమవుతుంది. ఇతర ఆచారాలలో, ఐదు పుష్పాలను దుర్గామాతకు సమర్పించి, పాదాలను కడుగుతారు. అమ్మవారికి కొత్త బట్టలు, పూజా సామాగ్రి , సుగంధ ద్రవ్యాలు అందిస్తారు.మహానవమి రోజున గులాబీ పువ్వులను అమ్మవారికి సమర్పిస్తారు. భక్తులు గులాబీ రంగు దుస్తులు ధరిస్తారు. కన్యా పూజ లేదా కుమారి పూజ చాలా ముఖ్యమైన వేడుక.