365తెలుగు డాట్ కామన్ లైన్ న్యూస్,హైదరాబాద్,ఏప్రిల్ 4,2023: సల్మాన్ ఖాన్ రామ్ చరణ్ డ్యాన్స్ సల్మాన్ ఖాన్, పూజా హెగ్డే ,వెంకటేష్ దగ్గుబాటి రాబోయే చిత్రం “కిసీ కా భాయ్ కిసీ కి జాన్” నుంచి కొత్త పాట “యెంటమ్మా” విడుదలైంది. ఈ పాటలో ముగ్గురు స్టార్స్ తమ ఎనర్జీతో ఇరగదీశారు. ఇందులో సల్మాన్ ఖాన్ ఇతర తారలతో లుంగీతో అద్భుతంగా డ్యాన్స్ చేస్తూ కనిపించాడు.
ఈ పాటలో అభిమానులను అలరించడానికి మెగా పవర్ స్టార్ రామ్ చరణ్ అతిధి పాత్రలో కనిపించనున్నారు. ఈ కొత్త పాటలో రామ్ చరణ్ ఎంట్రీ తర్వాత ఎనర్జీ లెవల్స్ మరింతగా పెరినట్లు కనిపిస్తోంది.
Source from Zee
సల్మాన్ ఖాన్, పూజా హెగ్డే , వెంకటేష్‌లతో కలిసి రామ్ చరణ్ వేదికపై లుంగీని ఎత్తుకుని డ్యాన్స్ చేస్తున్నాడు. సల్మాన్, రామ్ చరణ్ లను స్క్రీన్ పై ఒకేసారి చూడడంతో వారి ఫాన్స్ పండుగ చేసుకుంటున్నారు.
సల్మాన్ పాటలో సౌత్ టచ్
ఈ పాటలో సౌత్ టచ్ ఇచ్చేలా అన్ని ప్రయత్నాలు చేశారు. పాటలో, సల్మాన్ ఖాన్ పసుపు చొక్కా,తెలుపు లుంగీలో డ్యాన్స్ చేస్తూ కనిపిస్తాడు. రాపర్ రాఫ్తార్ ఈ పాటలో రాప్ చేశాడు. ఈ పాటను విశాల్ దద్లానీ, పాయల్ పాడారు. ఇందులో తెలుగు భాషను కూడా ఉపయోగించారు. వందలాది మంది నేపథ్య నృత్యకారులతో చిత్రీకరించిన ఈ పాటకు షబ్బీర్ అహ్మద్ సాహిత్యం అందించారు.
రంజాన్ సందర్భంగా సినిమా విడుదలవుతోంది
సల్మాన్ ఖాన్ నటించిన కిసీ కా భాయ్ కిసీ కి జాన్ ఈ నెల రంజాన్ ఈద్ సందర్భంగా విడుదల కానుంది. ఈ చిత్రానికి ఫర్హాద్ సామ్జీ దర్శకత్వం వహిస్తున్నారు. పాలక్ తివారీ, షహనాజ్ గిల్, సిద్ధార్థ్ నిగమ్, మాళవిక శర్మ, రాఘవ్ జుయల్ వంటి నటులు కూడా ఇందులో కనిపించనున్నారు.
Source from Zee
ఇప్పటికే ఈ సినిమా ట్రైలర్‌తో పాటు పలు పాటలు విడుదలయ్యాయి. ఇప్పుడు సినిమా విడుదల కోసం అభిమానులు ఎదురుచూస్తున్నారు. ఏప్రిల్ 21న ఈ చిత్రం థీయోటర్లలో విడుదల కానుంది.