365తెలుగుడాట్ కామ్ ఆన్ లైన్ న్యూస్,హైదరాబాద్,ఫిబ్రవరి 5, 2023: సకల సౌకర్యాలతో అత్యాధునిక టెక్నాలజీతో కొండాపూర్ లో రెవెరా ప్లాస్టిక్ సర్జరీ, స్కిన్ కేర్ సెంటర్ కు చెందిన మరో బ్రాంచ్ ను ఆదివారం హీరో సుశాంత్ లాంఛ్ చేశారు. ఈ కార్యక్రమంలో సుశాంత్ తల్లి నాగసుశీల, సోదరీమణులు పాల్గొన్నారు.
ఈ సందర్భంగా స్వర్గీయ డాక్టర్ వెంకట్ తోటతోనూ, వారి కుటుంబ సభ్యులతో తమకున్న అనుబంధాన్ని సుశాంత్ గుర్తుచేసుకున్నారు. హిమాయత్ నగర్ క్లినిక్ లో మాదిరిగానే కొండాపూర్ బ్రాంచ్ సైతం విశేష ఆదరణ పొందాలని ఆయన ఆకాంక్షించారు.
‘దాదాపు రెండు దశాబ్దాల క్రితమే హైదరాబాద్ లో ఎక్స్ క్లూజివ్ ప్లాస్టిక్ సర్జరీ క్లినిక్ ను ప్రారంభించిన అతి కొద్దిమందిలో తన తండ్రి వెంకట్ తోట ఒకరని, ఆయన ఆశయాలను కొనసాగిస్తూ కొండాపూర్ లోనూ తమ క్లినిక్ ను ప్రారంభించామని డా. అఖిలేష్ తోట తెలిపారు.
బిజీ షెడ్యూల్ లోనూ సుశాంత్ ఈ కార్యక్రమానికి హాజరు కావడం ఆనందాన్ని కలిగించిందని డా. రాధ తోట అన్నారు. రెవెరా కొండాపూర్ బ్రాంచ్ లో ప్లాస్టిక్ సర్జన్స్ రాజేశ్‌ వాసు, శివరాం మల్లెల, బి.ఆర్.ఎన్. పద్మిని, అంకిత హరిజీ సేవలు అందించబోతున్నారు.
డైరెక్టర్ కమ్ మెడికల్ కాస్మొటాలజిస్ట్ రాధ తోట, జనరల్ సర్జన్ అఖిలేష్ తోట ఈ క్లినిక్ ను నిర్వహించబోతున్నారు.
డాక్టర్ వెంకట్ తోట 2005లో హిమాయత్ నగర్ లో రెవెరా ఏస్థటిక్ ప్లాస్టిక్ సర్జరీ సెంటర్ ను ప్రారంభించారు. అప్పటికే పలు కార్పొరేట్‌ హాస్పిటల్స్ లో కన్సల్టెంట్ గా ఉన్న డాక్టర్ వెంకట్ తోట ప్రతిభ కారణంగా రెవెరా బెస్ట్ ప్లాస్టిక్ సర్జరీ క్లినిక్ గా పేరు తెచ్చుకుంది.
దాంతో ఆయన కొండాపూర్ లో రెవెరా ప్లాస్టిక్ సర్జరీ, స్కిన్ కేర్ సెంటర్ ను ఏర్పాటు చేయాలని భావించారు. అయితే అది కార్యరూపం దాల్చకముందే తోట వెంకట్ గత సంవత్సరం సెప్టెంబర్ లో గుండెపోటుతో చనిపోయారు. ఆయన ఆకాంక్షను వారి శ్రీమతి డాక్టర్ రాధ తోట, కుమారుడు డాక్టర్ అఖిలేష్, కుమార్తె డాక్టర్ నిహారిక నెరవేర్చారు.