365తెలుగు డాట్ కామ్ ఆన్ లైన్ న్యూస్, డిసెంబర్ 19,2024: ప్రస్తుతం సమాజం ఎలా ఉంటుందో.. 26 ఏళ్ల క్రితమే తన “ఏ” సినిమా ద్వారా అందరికీ వెండి తెరపై చూపించారు ప్రముఖ దర్శకుడు, నటుడు ఉపేంద్ర. ఆయన ఎలాంటి సినిమా తీసినా సమాజంతో ఖచ్చితంగా లింక్ ఉంటుంది.
భారతీయ సినీ ఇండస్ట్రీలో నటుడిగా, దర్శకుడిగా ఉపేంద్రకు మంచి గుర్తింపు ఉంది. 1990లలో ఉపేంద్ర తీసిన సినిమాలు అప్పట్లో సంచలనం సృష్టించాయి. కన్యాదానం, రా, ఏ, ఉపేంద్ర, రక్త కన్నీరు న్యూస్ వంటి సినిమాలు సూపర్ హిట్ అయ్యాయి. విభిన్నమైన కథలు ఎంచుకుంటూ సినిమాలు చేయడం ఉపేంద్ర స్టైల్.
అప్పట్లో ఉపేంద్ర సినిమా అంటే కర్నాటకలో థియేటర్స్ వద్ద తిరునాలను తలిపించే వాతావరణం కనిపించేది.
‘యుఐ’ డబ్బింగ్ మూవీ అయినప్పటికీ టాలీవుడ్ లో ఉపేంద్ర సినిమాలకు సపరేట్ ఫ్యాన్ బేస్ ఉండటంతో ఈ సినిమా బుకింగ్స్ కు మంచి రెస్పాన్స్ వస్తుంది. ఈ సినిమాతో మరోసారి వింటేజ్ ఉపేంద్ర దర్శకత్వాన్ని చూస్తారని ఆయన ఫ్యాన్స్ సోషల్ మీడియాలో కామెంట్స్ చేస్తున్నారు.
కానీ గత కొన్నేళ్లుగా సొంత దర్శకత్వానికి గ్యాప్ ఇచ్చి కేవలం హీరోగా మాత్రేమే ఉపేంద్ర సినిమాలు చేస్తున్నాడు. గతేడాది కబ్జా సినిమాతో ఆడియెన్స్ ను పలరించాడు. అయితే ఎన్నో ఏళ్లుగా దర్శకత్వానికి దూరంగా ఉన్న ఉపేంద్ర ఇటీవల మరోసారి మెగాఫోన్ పట్టాడు.
ఆయన స్వీయ దర్శకత్వంలో ‘యూఐ’ అనే సినిమా చేస్తున్నాడు. ఈ డిసెంబరు 20న ప్రపంచవ్యాప్తంగా ఈ సిమిమా థియేటర్స్ లో విడుదల కానుంది. కొద్ది రోజుల క్రితం ఈ సినిమా తెలుగు ప్రమోషన్స్ లో టాలీవుడ్ ఆడియెన్స్ తో ముచ్చటిస్తూ ‘యూఐ’ సినిమాతో సరికొత్త కాన్సెప్ట్ తో వస్తున్నాం అని, ఈ సినిమా క్లైమాక్స్ సైతం మీరు ఊహించిన దానికంటే కొత్తగా ఉంటుంది అని అన్నారు. క
న్నడ సినిమాలు టాలీవుడ్ బాక్సాఫీస్ వద్ద సంచలన విజయాల సృష్టిస్తున్న నేపథ్యంలో ‘యూఐ’ సినిమా ఎంతమేర కలెక్షన్లను సాధిస్తుందోనని ట్రేడ్ గమనిస్తోంది.
ఉపేంద్ర కన్నడ చిత్రాలలో సుప్రసిద్ధ నటుడు. కానీ తెలుగు సినిమా పరిశ్రమలో సైతం తనదైన ముద్ర వేశారు. తన కెరీర్లో ఎన్నో సినిమాలు చేశారు. కన్నడ సినిమాలే కాకుండా తమిళ సినిమాల్లో కూడా పనిచేశారు.
మరోసారి తమిళ చిత్రంలో నటించబోతున్నాడు. ఉపేంద్ర 16 ఏళ్ల తర్వాత తమిళ సినిమాల్లోకి రీఎంట్రీ ఇస్తున్నారు. ప్రముఖ దర్శకుడు లోకేష్ కనగరాజ్ దర్శకత్వంలో సూపర్ స్టార్ రజనీకాంత్తో కలిసి ఆయన నటిస్తున్నారు.
ఇటీవల ఓ ఇంటర్వ్యూలో తాను ఏమీ ఆలోచించకుండా ఈ సినిమాకు ఓకే చెప్పానని ఉపేంద్ర వెల్లడించారు.