365తెలుగుడాట్ కామ్ ఆన్ లైన్ న్యూస్,సెప్టెంబర్ 20, 2025: వైఫై రూటర్‌ను రీస్టార్ట్ చేయండి:మీ వైఫై రూటర్ స్లోగా పనిచేస్తుంటే, దానిని ఒకసారి స్విచ్ ఆఫ్ చేసి తిరిగి ఆన్ చేయండి.10 నుంచి 15 సెకన్ల పాటు ఆపి, తరువాత ఆన్ చేస్తే, అది మళ్ళీ సరిగ్గా పనిచేస్తుంది.
నిరంతరాయంగా పనిచేయడం వల్ల వైఫై పనితీరులో లోపాలు తలెత్తవచ్చు. అందువల్ల, ఒకసారి రీస్టార్ట్ చేస్తే ఈ సమస్య పరిష్కారమవుతుంది.
రూటర్‌ను సరైన ప్రదేశంలో ఉంచండి:
చాలామంది వైఫై రూటర్‌ను ఇంటి మూలన లేదా ఏదైనా వస్తువుతో కవర్ చేసి ఉంచుతారు.
ఇలా చేయడం వల్ల వైఫై సిగ్నల్స్ అడ్డుపడి, ఇంటర్నెట్ వేగం తగ్గుతుంది.
అందువల్ల, రూటర్‌ను గది మధ్యలో లేదా సిగ్నల్స్ నిరోధించని ప్రదేశంలో ఉంచాలి.
ఒకవేళ మీ రూటర్‌కు యాంటెన్నాలు ఉంటే, వాటిని నిలువుగా లేదా సమాంతరంగా కాకుండా, కొద్దిగా వంచి ఉంచడం మంచిది. ఇలా చేయడం ద్వారా మెరుగైన సిగ్నల్స్ లభిస్తాయి.
రూటర్ ఫర్మ్‌వేర్ అప్‌డేట్ చేయండి:
మీ మొబైల్, కంప్యూటర్ల ఆపరేటింగ్ సిస్టమ్‌ను అప్‌డేట్ చేసినట్లే, వైఫై రూటర్ ఫర్మ్‌వేర్‌ను కూడా ఎప్పటికప్పుడు అప్‌డేట్ చేయాలి.
ఇలా చేయడం వల్ల దాని పనితీరు, భద్రత, స్థిరత్వం మెరుగుపడతాయి.
కొన్ని రూటర్లు ఆటోమేటిక్‌గా అప్‌డేట్ అవుతాయి, కానీ కొన్నింటిని మాన్యువల్‌గా అప్‌డేట్ చేయాల్సి ఉంటుంది.
మీ రూటర్ యూజర్ మాన్యువల్‌ను చూసి అప్‌డేట్ చేసుకోవచ్చు.
బ్యాండ్‌విడ్త్ ఎక్కువ ఉపయోగించే యాప్స్‌ను గమనించండి:
ఒక్కోసారి వైఫై వేగం తగ్గడానికి రూటర్ కారణం కాకపోవచ్చు. మీరు వాడే యాప్స్ కూడా కారణం కావచ్చు.
డ్రాప్‌బాక్స్, గూగుల్ డ్రైవ్ వంటి సింకింగ్ యాప్‌లు ఎక్కువ బ్యాండ్‌విడ్త్‌ను వాడతాయి.
మీ డివైస్‌లో ఈ యాప్స్‌ను ఎప్పటికప్పుడు అప్‌డేట్ చేయడం ద్వారా బ్యాండ్‌విడ్త్ వినియోగాన్ని తగ్గించి, మెరుగైన వేగాన్ని పొందవచ్చు.