365తెలుగు డాట్ కామ్ ఆన్ లైన్ న్యూస్, ఖమ్మం, ఫిబ్రవరి 9,2023 : మధిర మండల పరిధిలోని మాటూరు విద్య నగర్ కాలనీలో విషాదం చోటుచేసు కుంది. మధిర మండల పరిధిలోని మాటూరు విద్య నగర్ కాలనీ కి చెందిన పుట్ట నాగేశ్వరరావు(38), శ్రీకళ(34) కలిసి సుబబుల్ తోటలో ఆత్మహత్య చేసుకున్నట్లు పోలీసులు తెలిపారు.
వీరి ఇరువురు మంగళవారం సాయంత్రం ఏపీ రాష్ట్రంలోని ఎన్టీఆర్ జిల్లా పరిధిలో వత్సవాయి మండలం వేములనర్వ వద్ద ఉన్న సుబాబుల్ తోటలో కూల్ డ్రింకులో పురుగులు మందు కలుపుకొని తాగి మృతి చెందారు.
వీరి మృతికి కారణాలు తెలియాల్సి ఉంది. వీరికి ఇద్దరు పిల్లలు ఉన్నారు. వత్సవాయి పోలీస్ స్టేషన్లో కేసు నమోదు చేసి దర్యాప్తు చేస్తున్నట్లు పోలీసులు తెలిపారు.