365తెలుగు డాట్ కామ్ ఆన్ లైన్ న్యూస్,హైదరాబాద్, మే 15,2025: నగరానికి తాగునీరు అందించే ప్రధాన జలాశయం గండిపేట (ఉస్మాన్‌సాగర్‌)కు మురుగు ముప్పు తప్పింది. శంకర్‌పల్లి పరిధిలోని బుల్కాపూర్ నాలా నుంచి వచ్చే మురుగు నీరు గండిపేటలో కలిసిపోకుండా ‘హైడ్రా’ అప్రమత్తంగా వ్యవహరించింది.
బుల్కాపూర్ నాలాలో శిథిలమైన షట్టర్లు (గేట్లు)ను మార్చేందుకు హైడ్రా రూ.2 లక్షలు ఖర్చు చేసి కొత్త గేట్లు ఏర్పాటు చేసింది.
ఇటీవల పలు వార్తా నివేదికల్లో ఖానాపూర్, నాగులపల్లి నుంచి వచ్చే మురుగు నీరు గండిపేటలోకి చేరుతోందన్న విషయాన్ని వెలికితీయడంతో, హైడ్రా కమిషనర్ ఏవీ రంగనాథ్ రంగంలోకి దిగారు.
Read This also…Hyderabad Metro Rail Revises Fare Structure, New Tariffs Effective from May 17, 2025
ఇది కూడా చదవండి…హైదరాబాద్ మెట్రో రైల్ ఛార్జీల పెంపు: కనిష్ఠ ధర రూ.10 నుంచి రూ.12, గరిష్ఠ ధర రూ.60 నుంచి రూ.75
అధికారుల బృందంతో కలిసి పరిశీలన జరిపిన ఆయన, వెంటనే షట్టర్ల మరమ్మతులు చేపట్టాలని ఆదేశించారు. తక్షణ చర్యలతో బుల్కాపూర్ నాలా ద్వారా గండిపేటకు చేరే మురుగు ప్రవాహాన్ని నిలిపేశారు.
ఇప్పటికే మురుగుతో పూడిపోయిన నాలాలోని చెత్తను కొంతమేర తొలగించి, నీరు నిలిచిపోయకుండా ప్రవాహాన్ని సమర్థంగా ముందుకు పంపే ఏర్పాట్లు చేశారు. గతంలో వరద కాలువగా ఉపయోగపడిన బుల్కాపూర్ నాలా ప్రస్తుతం పైనున్న నివాసాలు, వాణిజ్య సముదాయాలు, రిసార్టుల నుంచి మురుగు నీరు వదులుతున్నది.
శంకర్‌పల్లిలోని బుల్కాపూర్ చెరువు నుంచి ఖానాపూర్, కోకాపేట, మణికొండ, టోలిచౌకి మీదుగా వర్షపు నీటిని హుస్సేన్ సాగర్‌కు తరలించే ప్రధాన మార్గంగా దీనికి ప్రత్యేక స్థానం ఉంది.
బుల్కాపూర్ నాలాను పూర్తిగా పునరుద్ధరిస్తే నగరానికి శుభ్రమైన వర్షపు నీటి మారు మార్గంగా మలచవచ్చని, ఇదే ఒక్క ముంపు కాలువ హుస్సేన్ సాగర్‌కు తాగునీరు కాదు గనక… అయినా అందులో కలిసే వర్షపు నీరు నగర హావభావాలకు ప్రాణవాయువుగా నిలుస్తుందని స్థానికులు అభిప్రాయపడుతున్నారు. దీంతో ఇప్పుడు హైడ్రా కూడా ఈ నాలా పునరుద్ధరణపై దృష్టిసారించిందని సమాచారం.