365తెలుగు డాట్ కామ్ ఆన్ లైన్ న్యూస్, జూలై 22,2023: బైక్ లేదా కారు, ఏదైనా వాహనంలో ఇంజిన్‌ను జాగ్రత్తగా చూసుకోవడం చాలా ముఖ్యం. వాహనాల్లో ఇంజిన్ చాలా ముఖ్యమైన పాత్ర పోషిస్తుంది. దీని కోసం ఇంజిన్ ఆయిల్ పోస్తారు.
ఈ ఇంజిన్ ఆయిల్ నే లూబ్రికెంట్ అంటారు. దీని కారణంగా, ఇంజిన్లో లూబ్రికేషన్ ఉంటుంది. ఈ ఇంజన్ ఆయిల్‌ని ఎప్పటికప్పుడు మార్చాల్సి ఉంటుంది. ఆయిల్ రంగును బట్టి ఎప్పుడు మార్చాలో తెలుసుకోవచ్చు. ఇంజిన్ ఆయిల్ నల్లగా మారినట్లయితే మీరు తప్పనిసరిగా ఇంజిన్ ఆయిల్ మార్చాల్సిందే.
బైక్ లేదా కార్ ఇంజన్ ఆయిల్ రంగు నల్లగా మారినట్లయితే తప్పకుండా ఇంజిన్ ఆయిల్ మార్చాల్సిందే.. మీరు ఇంజిన్ ఆయిల్ మార్చకపోతే, ఇంజిన్ సీజ్ అవుతుంది. మెకానిక్ వద్దకు వెళ్లవలసిన అవసరం లేకుండానే మీరు దీన్ని ఇంట్లో సులభంగా మార్చవచ్చు.
ప్రతిసారీ తనిఖీ చేయండి..
మనం వాహనాన్ని పదే పదే వాడుతున్నప్పుడు దాని ఇంజన్ ఆయిల్‌లో దుమ్ము పేరుకుపోయి నల్లగా మారుతుంది. కాబట్టి మనం మన వాహనం సర్వీసింగ్ తేదీకి ముందు ఇంజిన్ ఆయిల్‌ని మార్చకపోతే మన వాహనం సాఫీగా ముందుకెళ్ళదు.
నూనె నల్లగా మారకపోయినా తగ్గిపోయినట్లయితే, మీరు దానిని మార్చాలి. ఇంజిన్ ఆయిల్ ఎల్లప్పుడూ 5 నుంచి 6 వేల కిలోమీటర్ల తర్వాత మార్చాలి. దీనితో పాటు ప్రతి 3 వేల కిలోమీటర్లకు టాప్-అప్ కూడా అవసరం. ప్రతి 15 వేల కి.మీ.లకు ఆయిల్ మార్చాలి.
ఇంజిన్ ఆయిల్ మార్చాల్సిన అవసరం ఉందా లేదా అని మీరు ఇంజిన్ ధ్వనిని బట్టి కూడా చెప్పవచ్చు. ఇంజిన్లో తక్కువ లూబ్రికేషన్ కారణంగా, ఇంజిన్ భాగాలు ఒకదానికొకటి రుద్దుకొని ఎక్కువ శబ్దం వస్తుంది.