365తెలుగు డాట్ కామ్ ఆన్ లైన్ న్యూస్,ఢిల్లీ 26,2023: స్థూల దేశీయోత్పత్తి (జీడీపీ)లో వ్యక్తిగత ఆదాయపు పన్ను ఏడేళ్లలో 0.83 శాతం పెరిగి 2021-22లో 2.94 శాతానికి చేరుకుంది. 2014-15లో ఇది 2.11 శాతం. ప్రస్తుత ప్రభుత్వ ప్రయత్నాల వల్ల దేశంలో పన్ను చెల్లింపు దారుల సంఖ్య పెరిగినట్లు ఈ నివేదిక సూచిస్తుంది.
ఆర్థిక మంత్రి నిర్మలా సీతారామన్‌తో జరిగిన సమీక్షా సమావేశంలో, సెంట్రల్ బోర్డ్ ఆఫ్ డైరెక్ట్ టాక్సెస్ (CBDT) పన్ను స్థావరాన్ని విస్తరించడానికి తీసుకున్న వివిధ చర్యల గురించి తెలియజేసింది.
వ్యక్తిగత ఆదాయపు పన్ను వసూళ్లు కూడా ఏడేళ్లలో రూ.4.31 లక్షల కోట్లు పెరిగినట్లు ఆర్థిక మంత్రిత్వ శాఖ వెల్లడించింది. ఈ వసూళ్లు 2014-14లో 2.65 లక్షల కోట్లు కాగా, 2021-22లో ఇది రూ.6.96 లక్షల కోట్లకు పెరిగింది.
మంత్రిత్వ శాఖ ప్రకారం, డివిడెండ్, వడ్డీ, సెక్యూరిటీలు, మ్యూచువల్ ఫండ్స్,GSTN నుంచి అందిన సమాచారం ప్రకారం ఆర్థిక లావాదేవీల స్టేట్‌మెంట్ (SFT) నుంచి కొత్త డేటా సేకరణలో 1,118 శాతం పెరుగుదల కనిపించింది.