దేశీయ టెక్నాలజీతో తేజస్ యుద్ధ విమానానికి చెందిన ‘సెంటర్ ఫ్యూజలేజ్’ తయారీ..

365తెలుగుడాట్ కామ్ ఆన్ లైన్ న్యూస్, మే 31,2025: దేశీయంగా అభివృద్ధి చేస్తున్న తేజస్ Mk1A యుద్ధ విమానానికి హైదరాబాద్‌కు చెందిన ప్రైవేట్ సంస్థ VEM టెక్నాలజీస్ ప్రైవేట్ లిమిటెడ్ కీలక భాగం అయిన ‘సెంటర్ ఫ్యూజలేజ్’ (మధ్యభాగం)ను తయారు చేసి హిందుస్తాన్ ఏరోనాటిక్స్ లిమిటెడ్ (HAL)కు విజయవంతంగా అందించింది.

ఈ ఘనతతో భారత్‌లోని ప్రైవేట్ పరిశ్రమలు దేశ రక్షణ రంగంలో తమ స్థానం మరింత పటిష్టం చేసుకున్నాయి.

Read This also…MG Astor: The New Blockbuster Mid-Size SUV in India..

ఇది కూడా చదవండి…స్కూల్ స్థాయిలో స్కాలర్షిప్ ఎలా పొందవచ్చు?

ఇది కూడా చదవండి…యూట్యూబర్ రణవీర్ అల్హాబడియా పై అసభ్యకర వ్యాఖ్యలపై తీవ్ర ఆగ్రహం వ్యక్తం చేసిన సుప్రీంకోర్టు

‘మేక్ ఇన్ ఇండియా’ అండ్ ‘ఆత్మనిర్భర్ భారత్’ లక్ష్యాలను ముందుకు తీసుకెళ్ళే దిశగా ఈ అభివృద్ధి ఒక కీలక మైలురాయిగా నిలుస్తోంది.

HAL ఇప్పటికే డైనమాటిక్ టెక్నాలజీస్, టాటా అడ్వాన్స్‌డ్ సిస్టమ్స్ లిమిటెడ్, లార్సన్ & టూబ్రో (L&T), లక్ష్మీ మెషిన్ వర్క్స్ (LMW) వంటి ప్రైవేట్ కంపెనీలతో భాగస్వామ్యం ద్వారా తేజస్ Mk1A కోసం వివిధ కీలక భాగాలను తయారు చేయిస్తోంది.

ఇప్పటికే HAL ప్రైవేట్ రంగ సహకారంతో తేజస్ యుద్ధ విమానాల ఉత్పత్తి వేగవంతం చేస్తోంది. ఈ భాగస్వామ్యాలు, భారత వాయుసేనకు అవసరమైన యుద్ధ విమానాలను సమయానికి అందించడంలో కీలక పాత్ర పోషిస్తున్నాయి. అంతేకాక, దేశీయంగా రక్షణ తయారీ సామర్థ్యాలను పెంచడంలో కూడా ఈ ప్రైవేట్ సంస్థల పాత్ర గణనీయంగా ఉంది.