16 ప్రధాన ఉత్పత్తుల ఎగుమతి దేశాల జాబితా విడుదల..

365తెలుగు డాట్ కామ్ ఆన్ లైన్ న్యూస్,22 డిసెంబర్, 2025: అంతర్జాతీయ మార్కెట్లో భారతీయ ఉత్పత్తులకు డిమాండ్ రోజురోజుకూ పెరుగుతోంది. ముఖ్యంగా మన దేశ సూక్ష్మ, చిన్న, మధ్య తరహా పరిశ్రమలు (MSME) తయారు చేసే వస్తువులను కొనుగోలు చేయడానికి ప్రపంచ దేశాలు ఆసక్తి చూపుతున్నాయి. ఈ నేపథ్యంలో, భారతదేశం నుండి ఎగుమతి అయ్యే 16 ప్రధాన రకాల ఉత్పత్తులు ఏ దేశాలకు ఎక్కువగా వెళ్తున్నాయో తెలుపుతూ తాజా నివేదిక వెలువడింది.

భారతీయ ఎగుమతిదారులు,కొత్తగా వ్యాపారం ప్రారంభించే వారికి ఈ సమాచారం ఒక దిక్సూచిలా ఉపయోగపడనుంది.

ఏ వస్తువు.. ఏ దేశానికి?

మార్కెట్ విశ్లేషణ: కీలక అంశాలు
అగ్రగామిగా అమెరికా, యూరప్: ఇంజనీరింగ్ వస్తువులు, ఐటీ సేవలు,దుస్తుల ఎగుమతుల్లో అమెరికా, యూరప్ దేశాలు ఇప్పటికీ భారతదేశానికి అతిపెద్ద భాగస్వాములుగా కొనసాగుతున్నాయి.

పశ్చిమ ఆసియాలో పెరుగుతున్న డిమాండ్: యూఏఈ, సౌదీ అరేబియా,ఒమన్ దేశాల్లో భారతీయ ప్లాస్టిక్ వస్తువులు, కృత్రిమ వస్త్రాలు, ఎలక్ట్రానిక్ వస్తువులకు భారీ గిరాకీ ఏర్పడింది.

సాంప్రదాయ ఉత్పత్తులు: జీడిపప్పు, మసాలా దినుసులు,సముద్ర ఆహార ఉత్పత్తులకు నెదర్లాండ్స్, జపాన్, ఆగ్నేయాసియా దేశాలు ప్రధాన కేంద్రాలుగా ఉన్నాయి.

క్రీడా సామాగ్రి: భారత్‌లో తయారైన స్పోర్ట్స్ గూడ్స్ ఎక్కువగా యూకే, ఆస్ట్రేలియా,దక్షిణాఫ్రికా క్రీడాకారులు వినియోగిస్తున్నారు.

ఎగుమతిదారులకు సూచనలు..
MSME రంగంలోని వ్యాపారవేత్తలు తమ ఉత్పత్తులకు సరైన దేశాన్ని ఎంచుకోవడం ద్వారా లాభాలను గరిష్టం చేసుకోవచ్చని నిపుణులు సూచిస్తున్నారు. ఉదాహరణకు, రసాయనాల తయారీదారులు ఆగ్నేయాసియాపై దృష్టి పెట్టడం, స్పోర్ట్స్ గూడ్స్ తయారీదారులు యూకే మార్కెట్‌ను లక్ష్యంగా చేసుకోవడం ఉత్తమం. ఈ ‘ఎగుమతి రోడ్ మ్యాప్’ భారతీయ వ్యాపారాలు ప్రపంచ స్థాయికి చేరడానికి దోహదపడనుంది.