365తెలుగు డాట్ కామ్ ఆన్ లైన్ న్యూస్,బాచుపల్లి , ఆగష్టు 14,2023: బాచుపల్లిలోని పల్లవి ఇంటర్నేషనల్ స్కూల్లో ఇన్వెస్టిచర్ కార్యక్రమం ఘనంగా జరిగింది. ఈ కార్యక్రమంలో ముఖ్య అతిథిగా కల్నల్ రంజిత్ చాకో విచ్చేశారు. పాఠశాల ఎలక్షన్స్ లో స్పోర్ట్స్ క్యాప్టెన్ (బాయ్), స్పోర్ట్స్ క్యాప్టెన్ (గర్ల్),హెడ్ బాయ్, హెడ్ గర్ల్, డిప్యూటీ హెడ్ బాయ్, డిప్యూటీ హెడ్ గర్ల్ గా కొత్తవాళ్లు ఎన్నుకోబడ్డారు.
వీళ్లకు బ్యాడ్జెస్, శాషెస్ ప్రదానం చేశారు. స్కూల్ క్యాబినెట్ నాలుగు హౌజులకు చెందిన కృష్ణ, గంగ, గోదావరి, కావేరి విద్యార్థులు మార్చ్ ఫాస్ట్ చేసి అందరినీ ఆకట్టుకున్నారు. విద్యార్థుల చేత తమ బాధ్యతలు సక్కమంగా నిర్వర్తిస్తామని ప్రమాణం చేయించడం జరిగింది.
ముఖ్య అతిథిగా విచ్చేసిన కల్నల్ రంజిత్ చాకో మాట్లాడుతూ.. నాయకులకు బాధ్యతల నిర్వహణ, నిజాయతీ, సమదృష్టి భావన వంటి ఉండవలసిన లక్షణాల గురించి యువ నాయకులకు చెప్పి వాళ్లలో ఉత్సాహాన్ని నింపారు.
స్కూల్ డైరెక్టర్ సుశీల్ కుమార్ మాట్లాడుతూ.. చిన్నతనం నుంచే నాయకత్వపు లక్షణాలు అలవర్చుకుని సమాజానికి తమ వంతు కృషి చేయాలని నూతనంగా ఎన్నికైన లీడర్స్ కు సూచించారు.
ప్రిన్సిపాల్ శ్రీమతి అనురాధ మాట్లాడుతూ.. నేటి విద్యార్థి నాయకులే రాబోయే కాలంలో దేశాన్ని ప్రగతిపథంలో నడిపే ధృవతారలు అని చెప్పారు. అలాగే ఈ కార్యక్రమాన్ని దగ్గరుండి ఘనంగా నిర్వహించిన వారందర్నీ అభినందించారామె. ఇలాంటి కార్యక్రమాలను భవిష్యత్తులో కూడా బాధ్యతగా నిర్వహిస్తామని హామీ ఇచ్చారు.
