365తెలుగు డాట్ కామ్ ఆన్ లైన్ న్యూస్,విశాఖపట్నం, జులై 15, 2025: విశాఖపట్నం నగరంలో ఇటీవల ట్రాయ్ (TRAI) నిర్వహించిన ఇండిపెండెంట్ డ్రైవ్ టెస్ట్ (IDT)లో రిలయన్స్ జియో మరోసారి తన నెట్‌వర్క్ శక్తిని నిరూపించింది. డేటా వేగం, కాల్ నాణ్యత, సిగ్నల్ బలం వంటి ప్రధాన పారామితులలో అన్ని టెలికాం ఆపరేటర్లను వెనక్కి నెట్టి, జియో అగ్రస్థానాన్ని నిలుపుకుంది.
ఈ టెస్ట్ ప్రకారం, జియో తన 4G నెట్‌వర్క్‌పై 204.91 Mbps సగటు డౌన్‌లోడ్ స్పీడ్‌ను, 18.02 Mbps అప్‌లోడ్ స్పీడ్‌ను నమోదు చేసింది. ఇది నెట్‌వర్క్ వేగ పరంగా జియోను విశాఖలో అగ్రగామిగా నిలబెట్టింది. ఈ వేగవంతమైన కనెక్టివిటీ వలన వినియోగదారులు వీడియో స్ట్రీమింగ్, ఆన్‌లైన్ గేమింగ్, యాప్ డౌన్‌లోడ్‌లు,నిమిషాల్లో బ్రౌజింగ్ వంటి సేవలను సాఫీగా ఆస్వాదించగలుగుతున్నారు.
Read This also…Jio Tops TRAI Drive Test in Vizag, Strengthens Network Leadership in Andhra Pradesh
లేటెన్సీ పరంగా కూడా జియో అద్భుతమైన ఫలితాలను సాధించింది – కేవలం 23 మిల్లిసెకన్ల లోపు డేటా ప్రతిస్పందనతో రియల్ టైమ్ అప్లికేషన్‌లకు ఉత్తమ పరిష్కారంగా నిలిచింది.
వాయిస్ కాల్ నాణ్యత విషయానికి వస్తే, ట్రాయ్ నివేదిక ప్రకారం జియో:
- 99.83% కాల్ సెటప్ సక్సెస్ రేటు
- 0% కాల్ డ్రాప్ రేటు
- 0.72% మాత్రమే మ్యూట్ లేదా కాల్ సైలెన్స్ రేటు
ఇలాంటి అత్యుత్తమ పనితీరుతో స్పష్టమైన వాయిస్ అనుభూతిని వినియోగదారులకు అందిస్తోంది.
ఈ డ్రైవ్ టెస్ట్ విశాఖలోని ప్రముఖ ప్రాంతాలను కవర్ చేసింది — సిరిపురం జంక్షన్, ఐటీ పార్క్ బీచ్, MVP కాలనీ, రుషికొండ, గాజువాక, విశాఖ స్టీల్ ప్లాంట్, ఆర్టీసీ కాంప్లెక్స్, రైల్వే స్టేషన్, ఎయిర్‌పోర్ట్, డాక్ వ్యూపాయింట్, రాంబిల్లి నావల్ డాక్యార్డ్ లాంటి ప్రాంతాల్లో నెట్‌వర్క్ పనితీరు పరీక్షించబడింది.
Read This also…Spotted Deer Reintroduced in Banni Grasslands through Gujarat Forest Department and Vantara Partnership
ఈ ఫలితాలు జియోను విశాఖపట్నం మాత్రమే కాక, ఆంధ్రప్రదేశ్ అంతటా నమ్మదగిన డిజిటల్ భాగస్వామిగా నిలబెడుతున్నాయి. హై డెఫినిషన్ వీడియోలు చూసే వారు, HD వాయిస్ కాల్ చేసే వారు, గేమర్లు — అందరికీ బెస్ట్ ఎంపికగా జియో కొనసాగుతోంది.